Samfélagsmiðlar

Undirbúa flug frá fleiri borgum hingað til lands

Forsvarsmenn þriðja stærsta lággjaldaflugfélags Evrópu íhuga að auka umsvif sín á Íslandi.

Fyrir rúmu ári síðan hóf norska flugfélagið Norwegian að fljúga til Keflavíkur þrisvar í viku frá Osló. Lasse Sandaker-Nielsen, talsmaður félagsins, segir í samtali við Túrista að viðtökurnar hafi verið það góðar að nú séu uppi áform um að fljúga til Íslands frá fleiri borgum. Hann vill þó ekki gefa upp hvaða áfangastaði er um að ræða eða hvenær flugið hefst.

Enn fleiri ferðir til Kaupmannahafnar?

Norwegian er mjög umsvifamikið í flugi frá skandinavísku höfuðborgunum og því má telja líklegt að Kaupmannahöfn og Stokkhólmur séu í spilunum þegar kemur að Íslandsflugi félagsins. Icelandair flýgur til beggja þessara borga og Wow Air til þeirrar dönsku. Í ár fjölgaði Wow Air vikulegum ferðum sínum þangað úr fjórum í tíu. Icelandair býður upp á 13 til 14 vikulegar ferðir á veturna til Kaupmannahafnar en allt að 25 á sumrin. Þessi mikla umferð gæti því aukist enn frekar ef stjórnendur Norwegian ákveða að taka slaginn við íslensku félögin á þessari flugleið. Umferðin til Stokkhólms er mun minni. Flug frá fleiri norskum flugvöllum kann einnig að vera á teikniborðinu hjá stjórnendum Norwegian.

Saxa jafnt og þétt á forskot SAS

Umsvif Norwegian hafa aukist hratt síðustu ár og félagið hefur náð mjög sterkri stöðu í millilanda- og innanlandsflugi í Skandinavíu. Oft á kostnað SAS, stærsta flugfélags Norðurlanda. Bilið á milli þessara tveggja hefur því minnkað ört. Norwegian hóf nýlega að bjóða upp á flug frá Osló og Stokkhólmi til New York og Bangkok og innan skamms bætir félagið Ft. Lauderdale á Flórída við leiðakerfi sitt. Félagið er einnig byrjað að gera út frá Gatwick flugvelli í London og því hugsanlegt að það verði einn af þeim áfangastöðum sem forsvarsmenn þess velja fyrir flug til Íslands.

Fylgstu með Túrista á Facebook

TILBOÐ: Viltu afslátt af gistingu, frían morgunmat eða ókeypis freyðivín upp á herbergi?
HÓTEL: Einföld leit að ódýrum hótelum út um allan heim

Mynd: Norwegian

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …