Samfélagsmiðlar

Öðruvísi festívöl í sumar

Það er varla þverfótandi fyrir lista- og tónleikahátíðum á meginlandi Evrópu í sumar. Túristi fann tvær hátíðir sem stinga í stúf.

Því var nýlega haldið fram að vinsældir matreiðsluþátta og uppskriftabóka væru merki þess að við hefðum það alltof gott og hnignunarskeið væri framundan. Ef þessi svartsýna skandinavíska spá rætist er víst að sjónvarpskokkurinn Jamie Oliver mun finna fyrir því. Matreiðslubækur hans hafa nefnilega verið áberandi í bókabúðum síðasta áratuginn, sjónvarpsstöðvar slást um þættina hans og mánaðarlega gefur hann út matarrit sem er selt öllum betri blaðasjoppum. Jamie á líka veitingastaði út um víða veröld.

Hann lætur sér þetta hins vegar ekki nægja því í lok sumars stendur hann fyrir heljarinnar matarfestívali á búgarði Alex James, bassaleikara Blur. Sá er reyndar orðinn betur þekktur fyrir ostagerð en bassaleik og smellpassar því í hlutverk aðstoðarkokks Jamie. Hátíðin kallast The Big festival og verður haldin í þriðja sinn þann 31. ágúst í Oxford-skíri á Englandi.

Matur og músík fyrir fjölskyldufólk

Sjónvarpskokkar eru poppstjörnur dagsins í dag og það eru því margir til í að standa við svið þar sem þekktur matgæðingur eldar kræsingar. Á Big festival munu margir af nafntoguðustu kokkum Bretlands troða upp og auðvitað verður hægt að kaupa þar góðan mat til að borða á staðnum eða taka með heim. Til að flýta fyrir meltingunni munu popparar fá fólk til að hoppa með jöfnu millibili og matvönd börn geta varið tímanum á sérstöku svæði fyrir þau yngstu.

Íslenskir matgæðingar sem vilja taka þátt í gleðinni þurfa að borga um 19 þúsund krónur (100 pund) fyrir en börn fá frítt inn. Einnig er hægt að kaupa dagspassa fyrir minna.

Þúsundir rauðhærða í bláum fötum

Sömu helgi og Jamie og Alex trylla lýðinn með matnum sínum í Englandi munu um fimm þúsund eldhærðir einstaklingar heimsækja hollenska bæinn Breda. Hátíð rauðhærðra verður þá haldin í sjöunda sinn og er búist við metþátttöku í ár. Rautt hár er þó ekki skilyrði fyrir þátttöku en að þessu sinni eru gestir beðnir um að mæta í bláum fötum. Það kostar ekkert inn á þessa sérstöku hátíð en í boði verða tónlistaratriði, tískusýningar, skoðunarferðir og hápunkturinn er tilraun til að bæta heimsmetið í fjölda rauðhærðra á einum stað. Fyrra metið er 890 rauðkur og var það sett á hátíðinni fyrir þremur árum síðan. Þann 2. september er stefnt á bætingu á aðaltorginu í Breda.

Greinin birtist fyrst í Fréttatímanum

TILBOÐ: Viltu 10% afslátt af gistingu á Krít?
HÓTEL: Hér finnurðu ódýr hótel út um allan heim

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …