Samlokurnar komnar að leiðarlokum hjá Icelandair

Þeir sem ætla að fá sér samloku um borð í vélum Icelandair grípa nú í tómt. Brauð er nefnilega á undanhaldi á nýjasta matseðli félagsins en vinsælasti rétturinn um borð er á sínum stað þó uppistaðan í honum sé hveiti, ger og vatn.
Samlokur hafa lengi verið áberandi á matseðlum flugfélaga. Hjá Icelandair voru þær hins vegar látnar víkja þegar nýjasti matseðill félagsins var útbúinn. Ástæðuna segir Guðjón Arngrímsson, upplýsingafulltrúi, vera þá að ákveðið hafi verið að draga úr brauðmeti á matseðlinum. Það eru almenn hollustuviðhorf og niðurstöður farþegakannana sem meðal annars ráða ferðinni í þessum málum að hans sögn. Vinsælasti rétturinn um borð, baguette með skinku og osti, verður þó áfram í boði og þeir sem fljúga innan Evrópu geti fengið sér íslenskt smurbrauð með roast beef. Grísk jógúrt með musli er nýjasta viðbótin á matseðlinum og þannig aukið á fjölbreytileikann að sögn Guðjóns.

Samkvæmt athugun Túrista bjóða öll hin flugfélögin, sem fljúga héðan allt árið um kring, upp á hefðbundnar samlokur um borð.

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.