Fjórtán flugfélög héldu úti millilandaflugi frá Keflavíkurflugvelli á fyrri hluta júnímánaðar. Hér er má sjá hversu vel þeim stærstu tókst að halda áætlun.
Stundvísitölur Túrista – fyrri hluta júní 2013
1.-15.júní. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalseinkun alls | Fjöldi ferða |
Icelandair | 82% | 6 mín | 79% | 5 mín | 81% | 5,5 mín | 875 |
WOW air | 93% | 4 mín | 87% | 6 mín | 91% | 5 mín | 174 |
Easy Jet | 94% | 0,5 mín | 94% | 1 mín | 94% | 1 mín | 38 |
Lufthansa | 80% | 3,5 mín | 93% | 0,5 mín | 86% | 2 mín | 29 |
SAS | 83% | 2 mín | 75% | 3 mín | 79% | 3 mín | 24 |
Um mánaðarmótin hófust áætlunarferðir flugfélaganna Air Berlin, Delta, Fly Niki, German Wings, Lufthansa og Transavia hingað til lands. Fleiri bætast við þegar líður á júní. Umfang Íslandsflugsins hjá þessum félögum er mismikið en flest bjóða þau aðeins upp á næturflug héðan. Icelandair og Wow Air fjölguðu einnig ferðum sínum töluvert í byrjun sumars og því er umferðin um Keflavíkurflugvöll mun meiri nú en hún hefur verið í ár. Í heildina fóru 83% af rúmlega sex hundrað áætlunarferðum í loftið á réttum tíma samkvæmt talningu Túrista. Til samanburðar má geta að í júní 2011 voru 44,5 prósent brottfara á áætlun samkvæmt tölum frá Isavia. Munaði þá mestu um óstundvísi Iceland Express.
Hér að ofan má sjá hvernig fimm umsvifamestu félögin héldu áætlun í flugi sínu til og frá Keflavíkurflugvelli síðustu tvær vikur. Eins og sést er mikill munur á fjölda ferða hjá félögunum, Icelandair flýgur t.a.m. 36 sinnum oftar en SAS frá Keflavík. Ein seinkun hjá því síðarnefnda hefur því mikil áhrif á tölfræðina. Upplýsingarnar eru hins vegar gagnlegar fyrir flugfarþega hér á landi því miklar seinkanir á flugi geta riðlað ferðaplönum og ferið kostnaðarsamar fyrir neytendur.
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
HÓTEL: Gerðu verðsamanburð á gistingu og bókaðu besta kostinn
TILBOÐ: Ókeypis morgunmatur í Kaupmannahöfn
Mynd: Gilderic/Creative Commons