Um níu af hverjum tíu ferðum til og frá Keflavíkurflugvelli voru á réttum tíma í seinni hluta síðasta mánaðar.
Brottförum Icelandair og Easy Jet seinkaði að jafnaði um sex mínútur seinni hluta maímánaðar. Töfin hjá Wow Air var lítil sem engin og 95% allra ferða félagsins var á tíma. Stundvísi var almennt góð á tímabilinu líkt og hún hefur verið mestan part ársins.
Bilun í flugumsjónakerfum Isavia riðlaði nær öllu millilandaflugi þann 23. maí og var sá dagur þar af leiðandi ekki tekinn inn í stundvísitölur Túrista. Þó flug hafi aðeins legið niður fyrir hádegi þann dag þá fór öll áætlun dagsins úr skorðum.
Stundvísitölur seinni hluta maí 2013
16.-31.maí. | Hlutfall brottfara á tíma | Meðalseinkun brottfara | Hlutfall koma á tíma | Meðalseinkun koma | Hlutfall ferða á tíma | Meðalseinkun alls | Fjöldi ferða |
Icelandair | 88% | 6 mín | 81% | 7 mín | 85% | 7 mín | 717 |
WOW air | 97% | 0,5 mín | 92% | 0,5 mín | 95% | 0,5 mín | 76 |
Easy Jet | 88% | 5,5 mín | 82% | 6 mín | 85% | 6 mín | 34 |
Um útreikningana: Daglega reiknar Túristi út hversu mikill munur er á áætluðum komu- og brottfaratímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um korter telst vera innan skekkjumarka í fluggeiranum þá eru fimmtán mínútur dregnar frá öllum seinkunum. Flug sem tefjast um minna en stundarfjórðung teljast vera á áætlun.
Fylgstu með Túrista á Facebook
HÓTEL: Gerðu verðsamanburð á gistingu og bókaðu besta kostinn
TILBOÐ: Ókeypis morgunmatur í Kaupmannahöfn
Mynd: Gilderic/Creative Commons