Samfélagsmiðlar

Sumartilboð í Stokkhólmi

arlandaexpress

Það kostar helmingi minna að setjast upp í hraðlestina sem skýst milli Arlanda flugvallar og Stokkhólms fram til loka sumars.

Ódýrasti valkosturinn fyrir þá sem þurfa að koma sér frá Arlanda flugvelli í Stokkhólmi er að taka rútuna. Farið kostar 99 sænskar (um 1800 krónur) og tekur ferðalagið um 35 til 45 mínútur. Almenningslestin keyrir aðeins tvisvar á klukkutíma og er aðeins dýrari en rútan.

Þeir sem vilja hins vegar drífa sig í bæinn þurfa að vanalega að borga 260 sænskar (4800 krónur) fyrir miða í hraðlest Arlanda Express. Farið fram og tilbaka kostar íslenskan ferðalang því nærri 10 þúsund krónur og verðið stendur vafalítið í mörgum.

Fram til 1. september er hins vegar hægt að fá mun ódýrari miða ef keyptir eru tveir til fjórir miðar. Far fyrir tvo kostar þá 280 krónur, 380 krónur fyrir þrjá og 480 fyrir fjóra. Það munar um minna. Sá sem er einn á ferð þarf því miður að borga fullt gjald en börn yngri en 18 ára frá frítt í lestina. Sjá nánar á heimasíðu Arlanda Express.

Í vegvísi Túrista fyrir Stokkhólm eru að finna gagnlegar upplýsingar fyrir þá sem vilja nýta sér almenningssamgöngur í borginni.

HÓTEL: Ódýr hótel í Stokkhólmi

Mynd: Patrick Johannsson

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …