Samfélagsmiðlar

Fimm á dag reyna að taka byssu með um borð

Vopnaleitin stendur undir nafni á bandarískum flugvöllum. Það sem af er ári hafa öryggisverðir gripið nærri þriðjungi fleiri vopnaða farþega en í fyrra. Yfirvöld skilja hvorki upp né niður í þessari þróun. Ekki fást upplýsingar um hversu margir hafa verið gómaðir með byssu hér á landi.

Á þessu ári hefur verið lagt hald á 894 byssur á bandarískum flugstöðvum. Þetta er 30 prósent fleiri vopn en voru gerð upptæk á fyrstu sex mánuðum síðasta árs. Samkvæmt frétt AP er algengt að byssurnar séu hlaðnar. Viðmælandi fréttastofunnar segir að margir Bandaríkjamenn geti ekki hugsað sér að fara út fyrir hússins dyr nema með vopn innanklæða og því reyni fólk að taka þau með í ferðalagið. Flestir þeirra sem eru stoppaðir segjast hafa pakkað byssunni óviljandi. Fæstir þurfa að taka út refsingu fyrir að reyna að smygla vopnum um borð þar sem lög um vopnaburð eru víst mjög frjálsleg í þeim ríkjum þar sem flestir reyna að ferðast með byssu.

Vandamál í suðvestrinu

JFK flugvöllur í New York er sá stærsti í Bandaríkjunum þegar kemur að millilandaflugi. Í frétt AP kemur fram að þar hafi aðeins verið lagt hald á eina byssu í fyrra. Hins vegar voru 96 farþegar á Atlanta flugvelli gripnir og hvergi er vandamálið meira eins og sjá má á listanum hér fyrir neðan.

Hér voru flest skotvopn gerð upptæk í fyrra

  1. Hartsfield-Jackson í Atlanta, 96 byssur.
  2. Fort Worth International í Dallas, 80 byssur
  3. Sky Harbor í Phoenix, 54 byssur.
  4. George Bush International í Houston, 52 byssur.
  5. Lauderdale-Hollywood International í Florida, 42 byssur.

Engar upplýsingar frá Keflavíkurflugvelli

Í frétt danska blaðsins Politiken um byssuglaða bandaríska flugfarþega kemur fram að enginn hafi verið gripinn með skotvopn í vopnahliðinu á Kaupmannahafnarflugvelli í fyrra. Aðeins fundust þar tvær „paintball“ byssur í innrituðum farangri. Túristi leitaði eftir sambærilegum upplýsingum hjá Isavia en þar á bæ eru menn ekki til í að veita jafn ítarlegar upplýsingar og kollegar þeirra í Bandaríkjunum og Danmörku. Er vísað til reglugerðar um flugvernd því til stuðnings. Það virðast því gilda strangari reglur á Íslandi því eins og sjá má hér að ofan þá eru flugmálayfirvöld í Bandaríkjunum tilbúin til að upplýsa nákvæmlega hversu mörg skotvopn voru gerð upptæk á hverjum flugvelli fyrir sig.

    Fylgstu með Túrista á Facebook

    TILBOÐ: Viltu afslátt af gistingu, frían morgunmat eða ókeypis freyðivín upp á herbergi?
    HÓTEL: Einföld leit að ódýrum hótelum út um allan heim

    Mynd: Tsa.gov

    Nýtt efni
    Veitingaþjónusta

    Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

    Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

    Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

    Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

    Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

    Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

    Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

    „Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …