Gardermoen er liðin tíð

Aðal­flug­völl­urinn í Osló heitir ekki lengur Gardermoen. Nafn­breyt­ingin kom forsvars­mönnum flug­fé­laga í opna skjöldu.

Icelandair, Norwegian og SAS halda öll uppi áætl­un­ar­ferðum héðan til höfuð­borgar Noregs. Öll þrjú lenda á flug­vell­inum sem kenndur hefur verið við Gardermoen og liggur um sextíu kíló­metra norður af miðborg Oslóar. Flug­mála­yf­ir­völd í Noregi ákváðu fyrr í þessum mánuði að breyta nafni Gardermoen og heitir hann hér eftir aðeins Oslóarflug­völlur, eða Oslo luft­havn. Talskona vall­arins segir í viðtali við Aften­posten að nafn­breyt­ingin sé meðal annars tilkomin vegna þess rugl­ings sem gætt hefur um nafnið. Hún tekur sem dæmi að tvö umsvifa­mestu flug­fé­lögin á vell­inum, SAS og Norwegian, notist við mismun­andi útgáfur af heiti hans.

Samkvæmt frétt Aften­posten kom þessi nafn­breyting forsvars­mönnum flug­fé­lag­anna í opna skjöldu, til dæmis heyrði upplýs­inga­full­trúi Norwegian fyrst af henni þegar blaða­maður Aften­posten hafði samband til að fá álit hans á henni.

Eins og kom fram hér á síðunni nýverið er Oslóarflug­völlur sá annar stærsti á Norð­ur­löndum.

ÓDÝR HÓTEL Í NOREGI

Fylgstu með Túrista á Face­book

TILBOÐ: 10% afsláttur í París

Mynd: Espen Solli