Samfélagsmiðlar

Ódýrara að nota íslenskan síma í dag en í gær

Evrópusambandið heldur áfram að lækka hámarksverð á símnotkun innan Evrópska efnahagssvæðisins. Smávegis netráp í útlöndum lækkar um hundruði króna.

Íslenskur ferðamaður sem lenti í París í gær og nýtti símann sinn til að finna réttu leiðina á hótelið hefur borgað um 850 krónur fyrir að nota kortaþjónustu Google í 10 mínútur. Í dag kostar samskonar notkun 531 krónu. Verðmunurinn er 38 prósent og ástæðan fyrir lækkuninni er sú að á miðnætti gengu í gildi ný hámarksverð Evrópusambandsins á símnotkun innan Evrópska efnahagssvæðisins.

Síðustu ár hefur ESB sett stiglækkandi hámark á þau verð sem fjarskiptafyrirtæki geta krafið viðskiptavini sína um fyrir farsímanotkun innan aðildarlandanna. Hámarksverðið gildir ekki í öðrum heimshlutum og nú er svo komið að það er margfalt ódýrara fyrir íslenska símnotendur að nota símtækin í Evrópu en í N-Ameríku. Áttaviltur Íslendingur í Washington borgar því allt að 16 þúsund krónur fyrir að nota Google Maps í 10 mínútur eða um þrjátíu sinnum meira en í Evrópu. Verðskrá íslensku fyrirtækjanna er hins vegar mjög misjöfn þegar kemur að símnotkun í N-Ameríku og til dæmis borga viðskiptavinir Hringdu sama verð í Evrópu og í Bandaríkjunum.

Líka ódýrara að hringja

Það var ekki aðeins prísinn á gagnanotkun sem lækkaði á miðnætti því nú er fimmtungi ódýrara að hringja heim frá meginlandi Evrópu.
Samkvæmt vef Póst- og fjarskiptastofnunar eru nýju hámarksverðin þessi:

HringjaSvaraSent SMSTaka á móti SMSGagnanotkun
47,63 kr/mín13,89 kr/mín15,87 kr.frítt89.3/MB

Fylgstu með Túrista á Facebook

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …