Samfélagsmiðlar

Passaðu þig á sektum á meginlandinu

Löngu eftir að komið er heim úr fríinu getur borist í pósti sekt fyrir umferðarlagabrot í útlöndum. Upphæðirnar eru mjög mismunandi eftir löndum.

Ökumenn bílaleigubíla sleppa ekki við greiða sektir vegna hraðaksturs eða annarra umferðalagabrota. Stöðumælabrot enda líka í höndunum á leigutaka. Jafnvel mörgum mánuðum eftir að heim er komið. Bílaleigufyrirtækin bæta líka mörg hver umsýslugjaldi ofan á sektina sjálfa. Það er því vissara að fylgja reglunum því myndavélar leynast ósjaldan við hraðbrautir og umferðarljós.

Rauðu ljósin í Noregi eru rándýr

Það eru margir Íslendingar á ferðalagi á Spáni þessar vikurnar og væntanlega ófáir sem leigja sér bíl hluta að tímanum. Sá sem verður uppvís að því að keyra allt að 20 km á klst. yfir hámarkshraða þarf að borga sekt upp á 100 evrur (ca. 16.000 krónur) til spænskra yfirvalda. Gjaldið fyrir að fara yfir á rauðu á Spáni er tvöfalt hærra. Þeir sem gerast sekir um slíkt í Noregi borga hins vegar um hundrað og tíu þúsund krónur í refsingu. Samkvæmt lista ADAC, félags bifreiðaeigenda í Þýskalandi, þá eru Norðmenn með hæstu sektirnar í Evrópu. Í austurhluta álfunnar eru yfirvöld almennt ekki eins refsiglöð.

Á töflunni hér fyrir neðan má sjá hvað umferðalagabrot kosta í nokkrum af þeim löndum sem íslenskir ferðamenn fjölmenna til.

LandHraðakstur (1-20km/klst)Yfir á rauðuBílastæðasektTala í farsíma undir akstri
Bretland70€70€35€75€
Danmörk135€270€70€200€
Frakkland135€135€15€135€
Ítalía170€170€40€155€
Noregur480€700€100€175€
Spánn100€200€200€200€
Þýskaland35€90-320€10-70€40€

Bannað að keyra í miðborg

Sumar umferðarreglur er auðvelt að brjóta. Á Ítalíu er t.a.m. algengt að ekki megi keyra í miðbæjum og þá eru sett upp skilti sem á stendur „Zona Traffico Limitato – ZTL“. Það þýðir að aðeins þeir sem hafa fengið sérstakt leyfi mega keyra á svæðinu. Þessi skilti eru ekki alltaf áberandi og því algengt að ferðamenn keyri inn á bannsvæði. Myndavélar taka myndir af öllum bílum sem þangað villast og bílstjóranna bíða sektir upp á 15 til 18 þúsund krónur (80 til 100 evrur).

BÍLALEIGA: Gerðu verðsamanburð á bílaleigubílum út um allan heim

Mynd: Matthew Kenwrick/Creative Commons

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …