Vilja bæta réttindi þeirra sem bóka ferðalög á netinu

Í dag eru farþegar sem kaupa pakkaferðir hjá ferðaskrifstofum betur settir ef eitthvað út af fer en þeir sem setja ferðina saman sjálfir. Framkvæmdaráð Evrópusambandsins vill auka skyldur ferðasala.

Ef flugfélag verður gjaldþrota er hætta á að mikill meirihluti farþega verði strandaglópar og þurfi að koma sér heim fyrir eigin reikning. Þeir sem eiga ónotaða miða með félaginu fá þá ekki bætta nema gera kröfu í þrotabúið. Hins vegar eru þeir farþegar sem til dæmis hafa keypt flug og hótel saman í einum pakka mun betur staddir. Þeir fá borgaða heimferð ef ferðalagið er hafið og fá ónýtta miða endurgreidda.

Tímabær lagfæring

Framkvæmdastjórn Evrópusambandsins ætlar að beita sér fyrir því að fleiri farþegar njóti þeirra réttinda sem pakkaferðirnar bjóða upp á í dag. Núverandi reglur voru samþykktar fyrir nærri aldarfjórðungi síðan og með breytingunum verða þær færðar inn í stafrænu öldina líkt og segir fréttatilkynningu sem framkvæmdastjórnin sendi frá sér í gær. Þar kemur einnig fram að í dag kaupir innan við fjórðungur farþega í Evrópu pakkaðferðir. Réttindi allra hinna séu því engin eða á gráu svæði ef gjaldþrot eða náttúruhamfarir riðla ferðaplönum.

Útvíkka skilgreininguna á pakkaferð

Samkvæmt tillögum framkvæmdastjórnarinnar þá munu þeir neytendur sem bóka flugmiða, hótel og jafnvel bílaleigubíl á netsíðu flugfélags eða ferðaskrifstofu njóta sömu réttinda og um pakkaferð væri að ræða. Jafnvel þó hlutirnir séu greiddir í sitthvoru lagi og þar af leiðandi ekki hluti af einum pakka. Verði þessar tillögur að veruleika þá áætlar framkvæmdastjórn ESB að um helmingur farþega muni njóta þeirra réttinda sem aðeins fjórðungur býr við í dag. Viviane Reding, dómsmálastjóri ESB, sagði á fundi með fréttamönnum í gær að nýju reglurnar myndu veita ferðamönnum öryggisnet og hugarró en búist er við árlega muni 120 milljónir neytenda njóta góðs af breytingunum.

Takmarkar rétt til hækkana

Frumvarp framkvæmdastjórnarinnar mun einnig setja flugfélögum skorður varðandi verðbreytingar eftir að kaup hafa verið gerð og jafnvel gera félögunum það skylt að veita farþegum afslátt ef miklar breytingar verða á kostnaði, t.d. vegna lækkunar á eldsneyti eða lendingargjöldum. Einnig á að auka möguleika neytenda á að hætta við ferðir án þess þó að borga fullt gjald.

Hvenær þetta frumvarp verður tekið til afgreiðslu á Evrópuþinginu liggur ekki fyrir. Eins kemur ekki fram í tilkynningunni hvort flugfélög og ferðaskrifstofur verði að borga hærri tryggingar til að standa straum að hugsanlegum kostnaði við að flytja farþega heim.

Fylgstu með Túrista á Facebook

TILBOÐ: Viltu afslátt af gistingu, frían morgunmat eða ókeypis freyðivín upp á herbergi?
HÓTEL: Einföld leit að ódýrum hótelum út um allan heim

Mynd:SAS

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira

Útlit fyrir mikla umferð um páska

Búist er við mikilli umferð um Keflavíkurflugvöll um páskana og líklegt að þeir sem koma akandi á eigin bíl þurfi að gefa sér góðan tíma til að finna stæði. Isavia bendir farþegum á að hægt er að tryggja sér bílastæði á betri kjörum með því að bóka stæði á netinu tímanlega fyrir brottför. Bókunarkerfið fyrir bílastæði … Lesa meira

Fólk setur ferðalög í forgang

Forstjórar þriggja af stærstu flugfélögum Evrópu eru sammála um að eftirspurnin eftir flugferðum sé mikil þessi misserin. Þetta kom fram á blaðamannafundi hagmunasamtakanna Airlines4Europe í Brussel fyrr í dag. Skráðu þig inn til að lesa Þessi grein er aðeins aðgengileg áskrifendum. Smelltu hér til að kanna áskriftarleiðir. Netfang Lykilorð Muna mig Gleymt lykilorð

Taka upp þráðinn í samkeppninni við Play

Af flugáætlunum Icelandair og Play að dæma þá sjá stjórnendur félaganna mörg tækifæri í höfuðborg Bandaríkjanna, Washington. Þeim dugar nefnilega ekki að halda úti ferðum til eins flugvallar á bandaríska höfuðborgarsvæðinu heldur verða þeir að vera tveir. Skráðu þig inn til að lesa Þessi grein er aðeins aðgengileg áskrifendum. Smelltu hér til að kanna áskriftarleiðir. … Lesa meira

Endurgreiða þeim sem áttu bókað

Nú liggur ljóst fyrir að ekkert millilandaflug verður í boði frá Egilsstöðum í sumar því hið þýska Condor hefur hætt við ferðir sínar þangað frá Frankfurt en fyrsta brottför var á dagskrá í maí. Það sama gildir um áform félagsins um að halda úti vikulegu flugi til Akureyrar. Frá þessu var greint í gær og … Lesa meira