Bestu gistiheimili í heimi

Þessi tíu gistiheimili voru valin best af notendum bókunarsíðunnar Hostelworld. Á lista þeirra bestu á Íslandi eru tvö sem deila með sér toppsætinu.

Það er nóg af ódýrri og góðri gistingu í höfuðborg Portúgals. Alla vega ef marka listann yfir þau gistiheimili sem hlotið hafa bestu dóma notenda bókunarsíðunnar Hostelworld. Fjögur efstu sætin eru nefnilega skipuð gistiheimilum í Lissabon. Sigurvegarinn í ár var Yes! sem toppaði líka lista síðunnar fyrir tveimur árum síðan.

Það kostar innan við fjögur þúsund krónur að eyða nótt í koju á Yes! en tveggja manna herbergi með baði kostar þrefalt meira. Það er örugglega hægt að bóka hótelherbergi í borginni fyrir álíka upphæð en miðað við hversu ánægðir gestirnir eru með gistiheimilin á topplistanum þá eru túristar sennilega betur settir þar en á ódýru hóteli.

Á Hostelworld.com má finna ódýra gistingu í meira en 180 löndum. Hins vegar komast aðeins evrópsk gistiheimili á lista þeirra bestu. Á Íslandi eru það Kex hostel og Reykjavík Downtown Hostel sem fá bestu umsögnina.

10 bestu gistiheimilin í ár:

Yes!, Lissabon.
Home Hostel, Lissabon.
Travellers House, Lissabon.
Living Lounge Hostel, Lissabon.
Hostel One Paralelo, Barcelona.
Vagabonds, Belfast.
Cocomama, Amsterdam.
Hostel Riad, Marrakech.
The Garden Backpacker, Seville
Ostello Bello, Mílanó

Fylgstu með Túrista á Facebook

TILBOÐ: Viltu afslátt af gistingu, frían morgunmat eða ókeypis freyðivín upp á herbergi?
HÓTEL: Einföld leit að ódýrum hótelum út um allan heim

Mynd: Yes! Lissabon

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.