Samfélagsmiðlar

Fargjöld lækka strax í september

Það sést á fargjöldum haustsins að aðalferðatímabilinu er þá lokið. Flug til Kaupmannahafnar, London og Oslóar er mun ódýrara í byrjun næsta mánaðar en það hefur verið nú í sumar.

Sá sem er á leiðinni til Kaupmannahafnar í þessari viku og bókaði flugið um miðjan júlí þurfti að borga nærri sextíu og þrjú þúsund krónur fyrir farið. Farþegi sem pantar í dag flug þangað í byrjun september kemst út fyrir rúmlega helmingi minna með Icelandair. Verðið til London og Oslóar er ennþá lægra eins og sjá má töflunni hér fyrir neðan. Wow Air og Norwegian bjóða lægsta farið til þessara staða.

Þegar fargjöldin í fyrstu viku september eru borin saman við könnun Túrista fyrir ári síðan kemur í ljós að þau hafa nánast staðið í stað milli ára. Easy Jet og Wow Air hafa bæði hækkað sín verð til London en Icelandair lækkað. Þess ber að geta að SAS er með útsölu þessa dagana og því eru verð félagsins til Oslóar í lægri kantinum. Norwegian eru þó ódýrari en skandinavíska félagið.

Líkt og áður gerir Túristi könnun á fargjöldum sem bókuð eru með fjögurra og tólf vikna fyrirvara. Litlar breytingar hafa orðið á fargjöldum um mánaðarmótin október-nóvember milli ára eins og sjá má á næstu síðu.

Þróun fargjalda í viku 36 (2.-8. september) milli ára þegar bókað er með fjögurra vikna fyrirvara

2013

2012Breyting
London:
Easy Jet35.534 kr.31.077 kr.+ 14,3%
Icelandair40.370 kr.42.760 kr.– 5,6%
Wow Air34.173 kr.31.939 kr.+ 7%
Kaupmannahöfn:
Icelandair39.310 kr.38.830 kr.+ 1,2%
Wow Air42.903 kr.47.820 kr.– 10,3%
Osló:
Icelandair42.620 kr.
Norwegian27.956 kr.
SAS29.466 kr.

Túristi hefur gert mánaðarlegar verðkannanir á flugi til Kaupmannahafnar og London í rúmt ár en Osló bættist við nýlega. Það er því ekki til samanburður á fargjöldum til Osló milli ára. Í verðkönnununum eru fundin ódýrustu fargjöldin, báðar leiðir, innan ákveðinnar viku og farangurs- og bókunargjöld eru tekin með í reikninginn.

Á næstu síðu má sjá þróun verðgjalda í viku 44 og hvaða félög bjóða lægstu fargjöldin til Kaupmannahafnar, London og Osló í byrjun október. Smelltu hér.

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …