Kaupa ferðaskrifstofu til að skjóta stoðum undir tímaritaútgáfu

Aller, eitt stærsta útgáfufyrirtæki Norðurlanda, festi kaup á danskri ferðaskrifstofu í síðustu viku til að vega upp á móti minnkandi tímaritalestri.

Vikulega les um þriðjungur dönsku þjóðarinnar tímaritin sem Aller útgáfufyrirtækið stendur að baki. Meðal þeirra vinsælustu eru slúðurritin Se og hør og Billed-bladet. Fyrirtækið er einnig stórtækt í Noregi og Svíþjóð. Forsvarsmenn Aller segja þó blaðaútgáfu eiga undir högg að sækja þessi misserin og því ætla þeir að fjárfesta í öðrum atvinnugreinum næstu þrjú árin samkvæmt því sem kemur fram í tilkynningu fyrirtækisins.

Fyrsta fjárfestingin var kynnt fyrir helgi en það er meirihlutaeign í dönsku ferðaskrifstofunni Nyhavn rejser sem hefur sérhæft sig í dýrari pakkaferðum. Framkvæmdastjóri Aller segir í tilkynningu að Nyhavn rejser sé öflugt fyrirtæki sem hafi vaxið hratt síðustu ár og á teikniborðinu sé útrás til Noregs, Svíþjóðar og Finnlands.

Fylgstu með Túrista á Facebook

HÓTEL: Ódýr gisting út um allan heim

Mynd: Skjámynd Aller

Bretar stíga á bremsuna

Ákvörðun bresku ríkisstjórnarinnar um að seinka banni við sölu á nýjum bensín- og dísilbílum er harðlega gagnrýnd af bílaiðnaðinum sem vinnur að orkuskiptum og hefur fjárfest mikið í nauðsynlegum tæknibreytingum. Ákvörðunin er talin skapa ringulreið í iðnaðinum og meðal neytenda.

Verðlækkunin mögulega skammgóður vermir

Olíuverð hefur hækkað um fimmtung síðustu þrjá mánuði og kallaði sú þróun á viðbrögð frá stjórnendum Icelandair og Play. Hjá því fyrrnefnda er nú reiknað með minni hagnaði í ár en hjá því síðarnefnda mun tapið aukast. Nú í vikunni hefur verð á Norðursjávarolíu lækkað og tonn af þotueldsneyti kostar nú 1030 bandaríkjadollara eða 140 … Lesa meira

„Toyota er að setja mikið afl í þróun rafbíla“

„Þó að Toyota sé ekki í forystusætinu í rafbílavæðingunni nú um stundir þá mun Toyota verða í það til lengri tíma litið," segir Úlfar Steindórsson, forstjóri Toyota á Íslandi, í viðtali við Túrista um sókn Kínverja inn á bílamarkað og stöðu Toyota til lengri tíma.

Niður fyrir 7 milljarða

Gengi hlutabréfa í Play hélt áfram að lækka í Kauphöllinni í dag en félagið tilkynnti fyrir tveimur vikum að tap ársins yrði meira en gert var ráð fyrir. Frá þeim tíma hefur gengið farið niður um þriðjung og lækkunin nemur 65 prósentum ef miðað er október 2021 þegar gengið fór hæst. Markaðsvirði Play í dag … Lesa meira

Bláa lónið fær alþjóðlega vottun

Bláa lónið hefur hlotið alþjóðlega gæðavottun B Corp en tilgangur hennar er að umbylta viðskiptaháttum með því að fá fyrirtæki til að meta þau áhrif sem starfsemi þeirra hefur, til dæmis á umhverfi, einstaklinga og samfélög, til jafns við fjárhagslegan gróða. „Frá upphafi hefur markmið Bláa Lónsins verið að stuðla að aukinni vellíðan með fjölnýtingu … Lesa meira