Samfélagsmiðlar

Aukagjöld vetrarins

Það færist í vöxt að flugfarþegar þurfi að borga sérstaklega fyrir þjónustu sem áður var innifalin í fargjaldinu. Túristi kynnti sér gjöldin sem flugfarþegar þurfa nú að taka með í reikninginn.

Það verða fimm félög sem bjóða upp á reglulegt áætlunarflug frá Keflavík í vetur. Þrjú þeirra rukka farþega aukalega fyrir innritaðan farangur og val á sæti. Hægt er að komast hjá því að greiða fyrir þetta tvennt með því að ferðast með lítinn farangur og láta vera að taka frá sérstakt sæti. Það er þó ólíklegt að þeir sem ferðast með öðrum vilji taka áhættuna á því að vera settir í sæti fjarri förunautunum. Sérstaklega þeir sem ferðast með börn. Á heimasíðu breska lággjaldaflugfélagsins Easy Jet kemur fram að sætum sé úthlutað af handahófi en reynt sé að láta fólk sem ferðast saman vera hlið við hlið.

Það er því öruggast að borga fyrir þjónustuna. Hjá Easy Jet er sætunum skipt upp í nokkra verðflokka og kosta þau frá tæpum 650 krónum. Hjá Wow Air eru hefðbundin sæti á 995 krónur en þau sem eru með meira fótarými eru á 2995 krónur.

Íslensk debetkort duga sjaldan á netinu

Farþegar hér á landi komast ekki hjá kreditkortaþóknun erlendu flugfélaganna því íslensk debetkort eru ekki með númeraröð á framhlið né þriggja stafa öryggisnúmer. Það er því ekki hægt að greiða með þeim á netinu. Debetkort sem gefin eru út af bönkum í nágrannalöndunum eru hins vegar ekki svona takmörkuð. Þeir sem bóka far héðan með Norwegian til Oslóar þurfa því að borga aukalega rúmar átta hundruð krónur og hjá Easy Jet leggst 2,5 prósenta kreditkortagjald ofan á farmiðaverðið.

Bókunargjaldið eru oftast innifalin en hjá Wow Air bætist það við fargjöldin og nemur 995 krónum.

Töskurnar dýrar

Það eru sennilega óhætt að fullyrða að búðaráp tilheyri ferðalögum til útlanda hjá mörgum lesendum. Það er því ekki víst að handfarangur dugi alltaf og þeir sem ætla að dvelja úti í viku eða meira komast varla hjá því að taka með sér stærri tösku. Það kostar ekki aukalega að innrita farangurinn hjá Icelandair og SAS en hjá hinum þremur félögunum þarf að borga fyrir þjónustuna. Norwegian rukkar minnst eða rúmar fjórtán hundruð krónur og hjá Easy Jet ræðst verðið meðal annars af eftirspurn og er því breytilegt eins og sjá má á töflunni hér fyrir neðan. Hjá Wow Air borga farþegarnir hins vegar 3495 krónur fyrir eina innritaða tösku en farangursgjald félagsins hækkaði nýverið úr 2900 krónum.

1 taska aðra leið (ef bókað á neti)Val á sætiKreditkortagjaldBókunargjald
Easy Jet2749-3477 kr. (17-21,5 evrur)547-2910 kr.(4-17,99 evrur)2,5%0 kr.
Icelandair0 kr.0 kr.0 kr.0 kr.
Norwegian1416 kr. (69 norskar)1211 kr. (59 norskar)821 kr. (40 norskar)0 kr.
SAS0 kr.0 kr.0 kr.0 kr.
Wow Air3495 kr.995 eða 2995 kr.0 kr.995 kr.

VILTU 15% AFSLÁTT AF GISTINGU Í KAUPMANNAHÖFN?

Greinin birtist fyrst í Fréttatímanum
Mynd: Norwegian

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …