Samfélagsmiðlar

Banna ríkisstyrki til flugvalla

Rekstur flugvalla á Evrópska efnahagssvæðinu á að standa undir sér og setja á strangari reglur um styrki til flugfélaga. Að öllu óbreyttu munu breytingarnar hafa áhrif á starfsemi flugvallanna á Akureyri og í Reykjavík.

Ef meira en tvö hundruð þúsund farþegar á ári fara um ákveðinn flugvöll þá má ekki fjármagna rekstur hans með almannafé. Þetta kemur fram í nýjum drögum framkvæmdaráðs Evrópusambandsins um starfsemi flugvalla á Evrópska efnahagssvæðinu. Reglurnar myndu ná til starfsemi flugvallanna í Keflavík, Reykjavík og Akureyri en aðrir vellir hér á landi uppfylla ekki kröfur um lágmarks farþegafjölda.

Koma í veg fyrir óþarfa styrkveitingar

Samkvæmt upplýsingum frá Isavia, sem rekur flugvellina hér á landi, er markmið nýju reglnanna að beina styrkveitingum að markaðsbrestum og um leið að koma í veg fyrir óþarfa styrkveitingar og eyðslu á almannafé. Núverandi drög að ríkisstyrkjareglunum útiloka nánast stuðning við flugvelli með meira en fimm milljónir farþega á ári og takmarka styrki til flugvalla með þrjár til fimm milljónir farþega. Á síðasta ári fóru um tvær og hálf milljón farþega um Keflavíkurflugvöll og í svari Isavia til Túrista kemur fram að nýju reglurnar muni hafa óveruleg áhrif á Keflavíkurflugvöll þar sem hann er fjármagnaður með notendagjöldum. Hins vegar er ekki búið að greina hver áhrifin verða á rekstur flugvallanna á Akureyri og í Reykjavík.

Notendur greiða lágt hlutfall

Á þessu ári er gert ráð fyrir að rekstur Akureyrarflugvallar kosti 441 milljón og þar af eru tekjur af notendagjöldum 77 milljónir eða 17,5 prósent af kostnaði. Rekstrarkostnaður Reykjavíkurflugvallar er áætlaður 659 milljónir í ár og notendagjöldin dekka 58 prósent af þeirri upphæð samkvæmt upplýsingum frá Isavia. Íslenska ríkinu yrði því væntanlega bannað að veita styrkjum til þessara tveggja flugvalla ef reglurnar verða samþykktar innan ESB. Í Noregi er talið að átta flugvellir muni missa ríkisstyrki vegna breytinganna samkvæmt frétt á vef Nationen. Nýju reglurnar eiga að ganga í gildi eftir tíu ár.

Skerða möguleikana á niðurfellingu lendingagjalda

Eitt af því sem forsvarsmenn flugvalla nota til að laða til sín ný flugfélög og fjölga áfangastöðum er að bjóða afslátt af lendinga- og farþegagjöldum. Hér á landi njóta félög til að mynda styrkja í þrjú ár þegar þau hefja flug inn á nýjan markað frá Keflavík. Í tillögum framkvæmdastjórnarinnar er gert ráð fyrir að aðeins flugvellir með færri en þrjár milljónir farþega á ári megi veit þannig styrki og aðeins til tveggja ára.

TILBOÐ: 15% AFSLÁTTTUR Á GÓÐU HÓTELI Í KAUPMANNAHÖFN
BÍLALEIGA: RENTALCARS LOFAR LÆGSTA VERÐINU

Mynd: Isavia

 

Nýtt efni

Síðastliðna tólf mánuði hefur vísitala neysluverðs hækkað um 6 prósent og um 3,9 prósent ef húsnæði er tekið út fyrir sviga. Verðmælingar Hagstofunnar sýna aftur á móti að verð á farmiðum til útlanda lækkaði um 11,4 prósent í apríl í samanburði við sama mánuð í fyrra. Þá voru páskarnir aðra helgina í apríl en eftirspurn …

Á árinu 2023 minnkaði sala í Danmörku á prentuðum bókum um 70,2 milljónir danskra króna (tæpa 1,5 milljarða íslenskra kr.) en á sama tíma jókst velta með stafrænar bækur, hljóð og e-bækur, um 35,3 milljónir danskra kr. (rúmar 700 milljónir kr). Einmitt þessi breyting kemur illa niður á rithöfundum landsins því tekjur þeirra og forlaganna …

Af þeim sex norrænu flugfélögum sem skráð eru á hlutabréfamarkað þá gengur best hjá hinu norska Norwegian. Félagið stokkaði upp leiðakerfið í heimsfaraldrinum, endursamdi við birgja og starfsfólk og í fyrra skilaði Norwegian methagnaði. Sú niðurstaða skrifaðist meðal annars á þá ákvörðun stjórnenda að draga töluvert úr umsvifunum yfir vetrarmánuðina. Það hefur leitt til að …

Í ágúst 2026 er áætlað að Victorian Fruit and Vegetable Market í höfuðborg Írlands opni dyr sínar á nýjan leik. Markaðurinn hefur verið lokaður í fimm ár og byggingin legið undir skemmdum en með hjálp 25 milljón evra þróunarstyrks er markmiðið að nýr markaður skáki ekki aðeins hinum víðfræga Enska markaði í Cork heldur mörkuðum …

Play tapaði 3,1 milljarði króna fyrir skatt á fyrsta ársfjórðungi í fyrra en núna var tapið 19 prósent hærra eða 3,7 milljarðar króna. Félagið jók framboðið um 63 prósent á milli þessara tveggja fjórðunga en í flota félagsins voru sex til átta þotur í byrjun síðasta árs en núna eru þær tíu. Einar Örn Ólafsson, …

Sjóðir bandaríska flugvélaframleiðandans Boeing minnkuðu um 3,9 milljarða dollara á fyrsta ársfjórðungi. Upphæðin jafngildir 550 billjónum íslenskra króna og skýringin á þessum mikla fjármagnsbruna liggur í endurteknum göllum í þeim flugvélum sem fyrirtækið framleiðir. Af þeim sökum hefur bandaríska flugöryggisstofnunin takmarkað afköstin í verksmiðjum Boeing við 38 Max þotur í mánuði. Þar með þurfa flugfélög …

Fyrr á þessu ári kynnti fyrirtækið til sögunnar Precious Honeyglow anansinn sem er aðeins um 600 1000 grömm að þyngd eða um það bil helmingi minni en hefðbundinn ananas.Í fréttatilkynningu frá fyrirtækinu segir að það kappkosti ávallt að uppfylla óskir kaupenda, hvort sem þær eru um sætara bragð, sjálfbærnisjónarmið og nú – stærð. Hið nýja …

Tekjur Icelandair af farþegaflugi námu rúmlega 27 milljörðum króna á fyrsta fjórðungi ársins og hafa þeir aldrei verið hærri á þessum tíma árs. Sætaframboðið hefur heldur aldrei verið meira en það jókst það um 21 prósent á milli ára og var farþegahópurinn 14 prósent fjölmennari núna en fyrstu þrjá mánuðina í fyrra. Þá stóðu farþegar …