Samfélagsmiðlar

Júní ekki lengur mesti ferðamánuður ársins

Síðastliðinn áratug hafa flestir Íslendingar ferðast til útlanda í júnímánuði. Í sumar varð breyting á og líklega hefur veðrið haft mikil áhrif á breytt ferðamynstur landsmanna.

Strax í byrjun sumars hefur ferðagleði Íslendinga náð hámarki því allar götur síðan árið 2004 hefur júní verið sá mánuður sem flestir hefja utanlandsferðina í. Núna kusu hins vegar tæplega fimm hundruð fleiri Íslendingar að ferðast út í ágúst frekar en í júní. Þetta er fyrsta skipti sem það gerist samkvæmt talningu Ferðamálastofu sem nær tíu ár aftur í tímann.

Í júní flugu 36.284 Íslendingar frá Keflavíkurflugvelli, í júlí fóru 33.366 og í ágúst ferðuðust 36.773 til útlanda.

Ágúst vinsælli eftir hrun

Á árunum 2004 til 2008 var júlí alltaf næst mesti ferðamánuðurinn ársins meðal Íslendinga. En síðustu fimm sumur hefur júlí dottið aftur fyrir ágúst eins og sjá má á línuritinu hér fyrir neðan. Hafa verður í huga að Íslendingar sem eru búsettir í útlöndum eru taldir með og það kann að útskýra breytinguna síðastliðin ár. En sennilega er óhætt að fullyrða að vinsældir ágústmánaðar í ár skrifist á slæmt veðurfar, sérstaklega á suðvesturhorninu, því samkvæmt fréttum þá var mikil eftirspurn eftir utanlandsferðum þegar líða tók á sumarið.

 

Fylgstu með Túrista á Facebook

TILBOÐ: 15% afsláttur af gistingu í Kaupmannahöfn
BÍLALEIGUBÍLL: Rentalcars lofar lægsta verðinu

Heimild: Ferðamálastofa
Mynd: Wikicommons

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …