Samfélagsmiðlar

Næsta sumar tekur á sig mynd

Fleiri ferðir til Kanada og Sviss og samkeppni á ný í flugi til Stokkhólms er meðal þess sem við vitum um flugáætlun næsta árs en hvað hyggst Easy Jet gera?

Nú þegar sumarvertíðinni er lokið gefst starfsmönnum flugfélaganna tími til að fínpússa áætlun næsta árs. Icelandair hefur nú þegar tilkynnt að félagið ætli að fljúga til 38 áfangastaða á næsta ári og þar af eru þrír nýir; Edmonton og Vancouver i Kanada og Genf í Sviss. En svissneska borgin var ein af þeim sem Túristi tippaði á að myndi bætast við leiðakerfi Keflavíkurflugvallar á næsta ári.

Icelandair mun einnig fjölga ferðum til margra áfangastaða og þarf því að bæta þremur vélum við flugflota sinn samkvæmt tilkynningu félagsins.

Samkeppni í Stokkhólmi á ný

Helmingur allra gistinátta Íslendinga á sænskri grundu er á Stokkhólmssvæðinu samkvæmt talningu ferðamálaráðs borgarinnar. Í fyrra fjölgaði þeim um fjórðung.

Í gær tilkynntu forsvarsmenn Wow Air að félagið hyggist bjóða upp á þrjár ferðir í viku til Stokkhólms allt árið um kring frá og með 1. júní. Hingað til hafa SAS og Iceland Express veitt Icelandair samkeppni á flugleiðinni en aðeins á sumrin, þó ekki í ár.

Hvað gerir Easy Jet?

Í nýlegu viðtali Viðskiptablaðsins við Hugh Aitken, framkvæmdastjóri Easy Jet, kom fram að stjórnendur þess íhugi að fljúga hingað til lands frá fleiri borgum. Í dag býður félagið upp á ferðir til Íslands frá þremur breskum borgum allt árið um kring. Easy Jet er með starfsstöðvar í tíu borgum á meginlandi Evrópu og þar af eru fjórar í Frakklandi. Ef breska félagið heldur áfram að fókusa á heilsársflug þá verður að teljast líklegt að flug milli Keflavíkur og Parísar verði fyrir valinu enda eru franskir ferðamenn fjölmennir hér á landi. Sömu sögu er að segja um Þjóðverja en Easy Jet hefur vaxið hratt í höfuðstað Þýskalands og ekki ólíklegt að félagið bæti sér í slaginn um farþega á milli Berlínar og Íslands. Líkt og Túristi greindi nýlega frá þá fjölgaði gistinóttum Íslendinga í Berlín um þriðjung á þessu ári.

Fyrir íslenska túrista væri ánægjulegt ef Easy Jet myndi bæta flugi til Íslands við starfsemi sína í Nice, Lissabon eða Róm en ekki hefur verið boðið upp á áætlunarflug til þessara borga frá Íslandi.

TILBOÐ: 15% AFSLÁTTUR AF GISTINGU Í KAUPMANNAHÖFN
HÓTEL: GERÐU VERÐSAMANBURÐ OG BÓKAÐU HAGSTÆÐASTA KOSTINN


Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …