Samfélagsmiðlar

10 bestu ferðamannaborgir Evrópu

Það er aðeins flogið beint til tveggja af þeim borgum tíu borgum sem lesendur Conde Nast Traveler telja mest spennandi áfangastaðina.

Íslenskar ferðaskrifstofur hafa lengi boðið upp á borgarferðir til Búdapest í Ungverjalandi. Minna hefur farið fyrir ferðum til Flórens á Ítalíu en þessar tvær borgir voru nýverið valdar helstu ferðamannaborgir Evrópu af lesendum Conde Nast Traveler, eins útbreiddasta ferðatímarits í heimi.

Bronsverðlaunin og fimmta sætið féllu í skaut Salzburg og Vínar í Austurríki en þær eru jafnframt einu borgirnar á listanum sem flogið er beint til frá Keflavík. Ferðirnar eru þó fáar því Wow Air flýgur til þeirrar fyrrnefndu einu sinni í viku yfir vetrarmánuðina og Fly Niki fer til Vínar tvisvar í viku yfir sumarið.

Íslenskir ferðalangar eiga þó möguleika á að komast beint til fleiri borga á listanum því um páskana efnir ferðaskrifstofan Vita til ferðar til San Sebastian á Spáni en þessi mikla matarborg er í fjórða sæti á lista ferðaritsins. Ef ferðinni er heitið til Bruges í Belgíu þá flýgur Icelandair til Brussel í Belgíu frá vori og fram á haust og þaðan er ekki svo langt í hinn verndaða gamla bæ Bruges.

Enn sem komið er þá er ekkert beint áætlunarflug til Rómar eða Flórens frá Íslandi. Það er þó reglulega boðið upp á pakkaferðir til ítölsku höfuðborgarinnar á vorin og haustin hér á landi.

10 helstu ferðamannaborgir Evrópu að mati lesenda Conde Nast Traveler:

1. Búdapest
1. Flórens
3. Salzburg
4. San Sebastian
5. Vín
6. Róm
7. Siena
8. Bruges
9. Kraká
9. Prag

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

Mynd:© WienTourismus/Christian Stemper

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …