Samfélagsmiðlar

5 prósent Íslendinga fóru til Berlínar

Næsta sumar verður flogið ellefu sinnum í viku til höfuðborgar Þýskalands frá Keflavíkurflugvelli. Í ár hefur ferðum Íslendinga til Berlínar fjölgað um nærri helming.

Allt þetta ár hefur Wow Air boðið upp á tvær til þrjár vikulegar ferðir héðan til Berlínar. Í sumar flugu Airberlin og Lufthansa milli Keflavíkur og Tegel flugvallar líkt og undanfarin ár. Þrátt fyrir aukið framboð á ferðum í júní og júlí þá fækkaði komum Íslendinga í Berlín. Í ágúst varð hins vegar sprenging því samkvæmt talningu ferðamálaráðs borgarinnar þá lentu nærri þrefalt fleiri farþegar í Berlín með íslenskt vegabréf þá en í ágúst í fyrra.

Þegar bornar eru saman talningar Ferðamálastofu Íslands og ferðamálaráðs Berlínar kemur í ljós að nærri fimm prósent þeirra Íslendinga sem fóru til útlanda í ágúst hafa haldið til Berlínar. En tæplega þrjár af hverjum hundrað vélum sem hófu sig til lofts frá Keflavík í ágúst voru á leið til þýsku höfuðborgarinnar samkvæmt talningu Túrista.

Fyrstu átta mánuði ársins fjölgaði ferðum Íslendinga til Berlínar um 42 prósent.

Aðeins fleiri brottfarir

Samkvæmt upplýsingum frá talskonu Airberlin þá mun félagið halda áfram að fljúga fjórum sinnum í viku til Berlínar frá Keflavík á sumrin og Wow Air ætlar að fjölga ferðum sínum úr þremur í fjórar. Eins og kom fram hér á síðunni í vikunni þá tekur lággjaldaflugfélagið German Wings við Íslandsflugi Lufthansa á næsta ári. Mun félagið fljúga þrisvar í viku til Berlínar. Bæði þýsku flugfélögin bjóða aðeins upp á næturflug héðan og í heildina verða ferðirnar ellefu í viku en voru tíu síðastliðið sumar.

BÍLALEIGA: Rentalscars.com lofar lægsta verðinu
TILBOÐ: 15% afsláttur á góðu hóteli í Kaupmannahöfn

Mynd: Visit Berlin

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …