Samfélagsmiðlar

Enn bætir Easy Jet við flugleið frá Íslandi

Frá og með vorinu mun breska lággjaldaflugfélagið Easy Jet fljúga héðan til Basel í Sviss tvisvar sinnum í viku. Þetta er í fyrsta skipti sem félagið býður upp á ferðir frá Keflavík til meginlands Evrópu.

Umsvif Easy Jet hafa aukist hratt hér á landi frá því að félagið hóf Íslandsflug fyrir einu og hálfu ári síðan. Í vetur mun Easy Jet fljúga hingað frá fjórum breskum borgum og þann 2. apríl bætist Basel í Sviss við leiðakerfi félagsins hér á landi. Þar með starfrækir félagið fimm flugleiðir frá Íslandi.

Í tilkynningu frá Easy Jet er haft eftir Hugh Aitken, framkvæmdastjóra, að forsvarsmenn félagsins hafi við mjög sáttir við viðtökurnar við flugi félagsins til og frá Íslandi. „Við höfum aukið jafnt og þétt við flugleiðirnar okkar frá Keflavík og flutt 110 þúsund farþega til og frá landinu á aðeins einu og hálfu ári.“ segir Hugh Aitken.

Easy Jet mun fljúga frá Keflavík til Basel á miðvikudögum og laugardögum fram á haust og eru ódýrustu sætin á 6.295 krónur samkvæmt því sem segir í tilkynningunni.

Á mörkum þriggja landa

Basel er þriðja stærsta borg Sviss og liggur rétt við landamærin að Frakklandi og Þýskalandi. Frá flugvelli borgarinnar tekur innan við hálftíma að keyra til frönsku borgarinnar Mulhouse og Freiburg í Þýskalandi er líka skammt undan. Borgin sjálf þykir líka spennandi áfangstaður og mæla ferðaskríbentar Lonely Planet sérstaklega með heimsókn þangað að sumri til þegar heitt er í veðri og borgarbúa kæla sig niður í Rínarfljótinu sem rennur í gegnum miðborgina. Basel er líka þekkt fyrir að hýsa Fasnacht, eitt stærsta festíval Evrópu, en þá ganga um 20.000 grímuklæddir einstaklingar um götur borgarinnar.

Stóraukið sætaframboð til Sviss

Síðastliðið sumar flugu Icelandair og Wow Air, hvort um sig, tvisvar í viku til Zurich í Sviss. Næsta sumar ætlar Icelandair að fjölga ferðunum þangað upp í fjórar og einnig fljúga til Genfar tvisvar í viku. Framboð á flugi til Sviss mun því rúmlega tvöfaldast á milli ára en svissneskum ferðamönnum hefur fjölgað hér um 17 prósent það sem af er ári samkvæmt talningu Ferðamálastofu.

HÓTEL: Ódýr hótel út um allan heim

Mynd: Basel.com

Nýtt efni

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …