Samfélagsmiðlar

Farið út lækkar milli ára

Það er ódýrara að kaupa sér farmiða til London og Kaupmannahafnar núna en það var á sama tíma í fyrra. Hjá Easy Jet hefur orðið allt að þriðjungslækkun.

Það eru þrjú félög sem fljúga héðan til London og á þessum tíma í fyrra var Icelandair ódýrasti kosturinn ef ferðinni var heitið út eftir fjórar vikur. Núna hafa Easy Jet og Wow Air lækkað sín verð og kostar farið með þeim, að viðbættu farangurs- og bókunargjaldi, næstum það sama og hjá Icelandair. Easy Jet er þó dýrasti kosturinn. Ef heimsækja á höfuðborg Bretlands í fjórðu viku næstu árs þá er breska lággjaldaflugfélagið ódýrara en samkeppnisaðilarnir.

Athygli vekur að fargjöld Icelandair til Kaupmannahafnar og London hafa nær ekkert breyst milli ára samkvæmt mánaðarlegum verðkönnunum Túrista á meðan Easy Jet og Wow Air hafa lækkað sín verð.

Miklu ódýrara til Oslóar

Í fyrra var ódýrasta farið hjá Wow Air til Kaupmannahafnar 220 krónum á lægra en það ódýrasta hjá Icelandair í viku 44 (26.nóv-2.des). Núna hefur lægsta fargjald Wow Air lækkað um rúmlega fimmtung og er munurinn á félögunum tæpar ellefu þúsund krónur.

Þeir sem ætla til Oslóar á næstunni komast þangað um næstu mánaðarmót fyrir rúmar tuttugu þúsund krónur með Norwegian og það sama er upp á teningnum ef fara á út í janúar eins og sjá má töflunum hér fyrir neðan. SAS og Icelandair eru dýrari. Farið til norsku höfuðborgarinnar er því mun ódýrara en til London og Kaupmannahafnar.

Í verðkönnunum Túrista eru fundin ódýrustu fargjöldin, báðar leiðir, innan sömu viku og reiknað er með að lágmarksdvöl í útlöndum sé tvær nætur. Farangurs-, bókunar- og kreditkortagjöld eru tekin með í reikninginn.

Þróun fargjalda í viku 48 (25.nóvember-1.desember) milli ára þegar bókað er með fjögurra vikna fyrirvara

2013

2012Breyting
London:
Easy Jet43.642 kr.53.567 kr.-18,5%
Icelandair40.710 kr.40.780 kr.-0,2%
Wow Air40.424 kr.45.825 kr.-11,8%
Kaupmannahöfn:
Icelandair47.090 kr.46.780 kr.+0,7%
Wow Air36.301 kr.46.560 kr.-22%
Osló:
Icelandair35.050 kr.Osló var ekki hluti af verðkönnuninn í fyrra
Norwegian23.196 kr.
SAS29.716 kr.


Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar. Farangurs- og kreditkortagjöld eru tekin með í reikninginn (sjá samantekt yfir aukagjöld hér). Verð voru fundin á heimasíðum félaganna 3. október 2013 og 2012.

Á næstu síðu má sjá þróun verðgjalda í viku 4 2014 og hvaða félög bjóða þá lægstu fargjöldin til Kaupmannahafnar, London og Oslóar. Smelltu hér.

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir vetrarfríið

 

Mynd:visitlondonimages/ britainonview/ Pawel Libera

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …