Þrettán félög buðu upp á reglulegar ferðir frá Keflavík í september og þar af voru þrjú íslensk. Nærri þrjár af hverjum fjórum brottförum voru á vegum Icelandair.
Það voru farnar rétt rúmlega þúsund áætlunarferðir frá Keflavíkurflugvelli í síðasta mánuði. Þar af buðu íslensku félögin Icelandair, Wow Air og Primera Air upp á ríflega níu hundruð ferðir. Það jafngildir 88,5 prósent af öllum brottförum samkvæmt útreikningum Túrista.
Í sumar var það hið þýska Airberlin sem var umsvifamesta erlenda félagið en Íslandsflugi þess lýkur ávallt um miðjan september. Easy Jet er því á ný það félag sem er með flestar ferðir fyrir utan Icelandair og Wow Air eins og sjá má á töflunni hér fyrir neðan.
Í vetur verður boðið upp á beint flug til 33 áfangastaða frá Keflavík.
Vægi umsvifamestu félaganna á Keflavíkurflugvelli í september, í brottförum talið:
- Icelandair: 73,4%
- Wow air: 14,3%
- Easy Jet: 3,4%
- SAS: 2,5%
- Airberlin: 1,3%
- Norwegian:1,3%
Fylgstu með Túrista á Facebook
TILBOÐ: 15% afsláttur af gistingu í Kaupmannahöfn
BÍLALEIGUBÍLL: Rentalcars lofar lægsta verðinu
Mynd: Isavia