Hér eru þau tuttugu flugfélög sem talin eru eiga sterkustu vörumerkin. Aðeins tvö þeirra fljúga til Íslands.
Annað árið í röð er vörumerki Emirates, ríkisflugfélags Dubai, talið það verðmætasta í fluggeiranum. Sérfræðingar Brand Finance ráðgjafafyrirtækisins meta það á rúmlega fjóra milljarða dollara sem er hækkun um rúmlega tíund frá fyrra ári. Til samanburðar má geta að Brand Finance segir eigendur Apple sitja á verðmætasta vörumerki heims og meta það á 87 milljarðar dollara. Það er því langt í toppinn fyrir forsvarsmenn þekktustu flugfélaganna.
Hið þýska Lufthansa heldur öðru sætinu á listanum og er merki þess talið 3,6 milljarða dollara virði og Delta frá Bandaríkjunum fer úr fjórða sæti í það þriðja. En þessi tvö félög fljúga bæði hingað á sumrin.
Kínverjar sterkir
Aðeins eitt flugfélag frá S-Ameríku kemst á listann en þar er að finna sex evrópsk félög. Athygli vekur að þrjú flugfélög frá Kína raða sér í efstu níu sætin eins og sjá má á töflunni hér fyrir neðan.
20 verðmætustu vörumerkin í fluggeiranum árið 2013:
Sæti | Vörumerki |
1. | Emirates |
2. | Lufthansa |
3. | Delta |
4. | Singapore Airlines |
5. | United |
6. | China Southern |
7. | China Eastern |
8. | Air France |
9. | Air China |
10. | Cathay Pacific |
11. | British Airways |
12. | ANA |
13. | Korean Air |
14. | Southwest |
15. | Japan Airlines |
16. | Turkish Airlines |
17. | American |
18. | TAM Airlines |
19. | Aeroflot |
20. | KLM |
Fylgstu með Túrista á Facebook
TILBOÐ: 15% afsláttur af gistingu í Kaupmannahöfn
BÍLALEIGUBÍLL: Rentalcars lofar lægsta verðinu
Mynd: Emirates