Samfélagsmiðlar

Airberlin til Íslands níunda sumarið í röð

Undanfarin sumur hefur Airberlin verið umsvifamesta erlenda flugfélagið á Keflavíkurflugvelli og forsvarsmenn þess eru ánægðir með gang mála hér á landi og ætla að fjölga ferðum.

Ísland hefur lengi notið vinsælda meðal þýskra ferðamanna og á sumrin fljúga þrjú af stærstu flugfélögum Þýskalands til Keflavíkur. Airberlin er þeirra stórtækast og í júní hefst níunda sumarvertíð félagsins hér á landi. Túristi forvitnaðist um gang mála hjá félaginu hjá Jan Anderstedt, svæðisstjóra þess á Norðurlöndum.

Airberlin hefur hingað til aðeins boðið upp á sumarflug til Íslands. Hafið þið íhugað að bjóða upp á flug þangað allan ársins hring?

Flugáætlun Airberlin til Íslands verður áfram í föstum skorðum og við erum mjög ánægð með hana. Næsta sumar munum við bjóða upp á beint flug frá Reykjavík (innsk. blm: Keflavíkurflugvelli) til fjögurra af stærstu flugvöllum Þýskalands; Hamborgar, Munchen, Berlínar og Dusseldorf. Flogið verður allt að fjórum sinnum í viku en það er mismunandi eftir áfangastöðum. Á næsta ári gerum við þá breytingu að við lengjum ferðatímabilið og hefjum flug strax í byrjun júní og verðum að fram í miðjan september.

Allar brottfarir ykkar frá Íslandi eru í kringum miðnætti. Myndi flug þaðan um miðjan dag fjölga farþegum að þínu mati?

Við höfum boðið upp á næturflug frá Reykjavík (innsk. blm: Keflavíkurflugvelli) allar götur sínan jómfrúarflugin til Munchen og Dusseldorf voru farin árið 2006. Þessir brottfarartímar hafa mælst vel fyrir hjá íslenskum gestum okkar þar sem þetta tryggir þeim möguleika á að nýta sér okkar stóra leiðakerfi frá Þýskalandi. Þeir sem fljúga með okkur frá Íslandi geta þannig valið úr tengiflugi til 37 áfangastaða í 13 löndum. Meðal annars innan Þýskalands og til Spánar, Ítalíu, Rússlands og Bandaríkjanna.

Hver er hugmyndin að baki starfssemi Airberlin?

Airberlin er áætlunarflugfélag sem flýgur til 151 áfangastaðar út um allan heim. Lykilatriði í rekstri okkar er að ná sem mestu út úr leiðakerfinu með því að gera samstarfssamninga og vera aðili að flugbandalögum. Þannig byggir samvinna okkar og Etihad Airways á því að samnýta leiðakerfi félaganna og eins hefur Airberlin verið hluti af flugbandalaginuu oneworld síðan árið 2011. Airberlin er með alþjóðlegt leiðakerfi og býður upp á viðskiptafarrými á lengri leiðum. Að auki erum við með nýjasta flugflotann í Evrópu og þann sparneytasta.

Hvers má fólk vænta þegar flogið er með Airberlin?

Airberlin er flugfélag sem býður upp á fulla þjónustu. Farþegar okkar geta valið á milli vef- og símainnritunar og ein taska er ávallt innifalin í fargjaldinu. Um borð bjóða áhafnir okkar upp á drykki, snakk eða máltíð og frí tímarit og dagblöð. Við leysum líka farþegana oft út með hjartalaga súkkulaðimola.

NÝJAR GREINAR: Meira en tvöfalt fleiri ferðir til KanadaAuðvelt að finna ódýrari bílaleigubíla í Orlando

Mynd: airberlin

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …