Fyrir nákvæmlega ári síðan munaði töluverðu á ódýrustu fargjöldum félaganna þriggja sem fljúga til London í febrúar. Núna er munurinn mun minni.
Á þessum degi í fyrra bauð Wow Air ódýrasta farið til London ef bókað var þrjá mánuði fram í tímann. Þá kostaði farmiði, að viðbættum innrituðum farangri, 35.825 krónur í viku 8 (18.-24.febrúar). Ódýrasta farið hjá Easy Jet var á tæpar sextíu þúsund krónur og munurinn á félögunum tveimur því tæpar 24 þúsund krónur.
Núna er hann rúmar tvö þúsund krónur en það er Icelandair sem er með lægsta farið til London eins og sjá má á töflunni hér fyrir neðan.
Kaupmannahafnarprísar standa í stað
Ef ferðinni er heitið til höfuðborgar Danmerkur upp úr miðjum febrúar þá kostar það næstum því jafn mikið núna og í fyrra. Líkt og þá er Wow Air um fjögur þúsund krónum ódýrarasti kosturinn fyrir þá sem ætla til Kaupmannahafnar og vilja innrita farangur.
Í mánaðarlegum verðkönnunum Túrista eru fundnir ódýrustu farmiðarnir til London, Kaupmannahafnar og Oslóar hjá hverju félagi fyrir sig. Við fargjaldið er bætt bókunar- og kreditkortagjöldum og kostnaði við að innrita farangur. Skoðuð eru fargjöld fjórum og tólf vikum fram í tímann
Þróun fargjalda í viku 8 (17.-23. febrúar) milli ára þegar bókað er með tólf vikna fyrirvara
2014 | 2013 | Breyting | |
| London: | |||
| Easy Jet | 47.860 kr. | 59.430 kr. | -19,5% |
| Icelandair | 40.790 kr. | 43.250 kr. | -5,7% |
| Wow Air | 45.424 kr. | 35.825 kr. | +26,8% |
| Kaupmannahöfn: | |||
| Icelandair | 39.440 kr. | 39.140 kr. | +0,8% |
| Wow Air | 35.301 kr. | 34.560 kr. | +2,1% |
| Osló: | |||
| Icelandair | 35.010 kr. | Osló var ekki hluti af verðkönnuninn í fyrra | – |
| Norwegian | 28.631 kr. | – | – |
| SAS | 34.896 kr. | – | – |
Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar. Farangurs- og kreditkortagjöld eru tekin með í reikninginn (sjá samantekt yfir aukagjöld hér). Verð voru fundin á heimasíðum félaganna 26. nóvember 2013 og 2012.
Á næstu síðu má sjá þróun verðgjalda í viku 52
BÍLALEIGUBÍLAR: Svona borgar þú miklu minna fyrir bílaleigubíl
