Samfélagsmiðlar

Meira en tvöfalt fleiri ferðir til Kanada

Nýr loftferðasamningur gefur íslenskum ferðamönnum færi á að fljúga beint allt árið um kring til Kanada og mun oftar en áður.

Áfangastöðum Icelandair í Kanada fjölgar úr tveimur í fjóra á næsta ári og þar af verður flogið allt árið um kring til Toronto og Edmonton. Yfir aðalferðamannatímann munu vélar Icelandair fljúga til Kanada sextán sinnum í viku en síðastliðið sumar voru ferðirnar að jafnaði ein á dag. Nýr loftferðasamningur milli íslenskra og kanadískra stjórnvalda er ein helsta ástæðan fyrir þessu stóraukna framboði á flugi til Kanada.

Helmingur íbúanna fæddur í öðru landi

Síðustu ár hefur Icelandair gert hlé á flugi sínu til Toronto yfir háveturinn. Í ár verður breyting á og þeir sem vilja heimsækja fjölmennustu borg landsins að vetrarlagi geta nú flogið þangað beint. Í Toronto er byggt hátt til að koma fleiri fyrir innan borgarmarkanna og á strætum er margt um manninn. Kanada er hins vegar eitt strjálbýlasta land í heimi en þar búa um 34 milljónir manna. Á Toronto svæðinu eiga hins vegar um sex milljónir heima og nærri helmingur borgarbúa er ekki fæddur í Kanada. Borgin stendur því svo sannarlega undir heimsborgarnafnbótinni.

Héraðshöfuðborg Nova Scotia, Halifax, hefur líka lengi verið hluti af leiðakerfi Icelandair. Hún er mun minni í sniðum en hinar þrjár en kemst reglulega á listi yfir byggilegustu borgir landsins. Háskólasamfélagið setur sterkan svip á borgina og við höfnina er starfræktur elsti bændamarkaðurinn í N-Ameríku.

Nýliðarnir Vancouver og Edmonton

En þó Halifax þykir ein besta kanadíska borgin til að búa í þá kemst Vancouver oft í eitt af efstu sætunum þegar búnir eru til listar yfir lífvænlegustu þéttbýli í heiminum. Borgin var líka nýverið valin besta ferðamannaborg Kanada af lesendum tímaritsins Conde Nast Traveller. Það er því líklegt að margir íslenskir túristar nýti tækifærið næsta sumar og fljúgi beint til vesturstrandar Kanada þegar áætlunarflugið hefst þangað. Icelandair mun þó aðeins fljúga til Vancouver yfir sumarmánuðina en öðru máli gegnir um Edmonton, höfuðborg Alberta fylkis. Þangað verður flogið allt árið en atvinnulíf borgarinnar blómstrar enda miklar náttúruauðlindir í Alberta fylki. Borgarbúar eru því á faraldsfæti en þeir eru greinilega líka kaupglaðir heima fyrir því í Edmonton er að finna stærstu verslunarmiðstöð í N-Ameríku. Sú staðreynd hljómar sennilega vel í eyrum margra íslenskra ferðalanga.

Reyndar hefur koma Icelandair til Alberta fylkis valdið nokkrum deilum milli forsvarsmanna flugvallarins í Edmonton og stjórnenda Air Canada flugfélagsins. Telja þeir síðarnefndu að móttökurnar sem íslenska félagið hefur fengið hjá flugmálayfirvöldum vera einum of góðar og hafa því í mótmælaskyni tekið af dagskrá beint flug til London yfir vetrarmánuðina. Sú ákvörðun olli töluverðu ergelsi í Edmonton samkvæmt frétt Journal bæjarblaðsins.

Hvað sem því líður er ljóst að þeir sem vilja heimsækja Kanada á næsta ári geta valið úr mun fleiri ferðum og áfangastöðum en áður.

Sjá einnig vegvísi fyrir Toronto

HÓTEL: Berðu saman verð á ódýrum hótelum út um allan heim
BÍLALEIGUBÍLAR: Bókaðu bílaleigubíl fyrir sumarfríið

Myndir: Albert Normandin/Ferðamálaráð Vancouver

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …