Bestu ferðamannaborgirnar vestanhafs að vetri til

Þegar Bandaríkjamenn ferðast innanlands á veturna þá þykja þessir staðir mest spennandi.

Af þeim tíu borgum sem komast á lista ferðatímaritsins Travel+Leisure yfir tíu bestu vetraráfangastaðina í Bandaríkjunum er aðeins ein sem ekki státar af heitu og mildu veðri á þessum tíma árs. Það er Denver í Colorado og líklega er það nálægðin við skíðasvæðin í Klettafjöllum sem gera Denver svona aðlaðandi á veturna í huga Bandaríkjamanna. Borgin toppaði líka lista Travel+Leisure yfir þær borgir þar sem best er að njóta útivistar og íþrótta.

Þeir sem heimsækja hinar níu borgirnar þurfa hins vegar ólíklega að pakka niður hlýjum fötum áður en lagt er í hann. Samveldið Púertó Ríkó í Karabíska hafinu er í efsta sæti listans og fulltrúar sólarfylkisins Flórída eru Miami og Orlandó.

Farþegum á Keflavíkurflugvelli hefur lengi staðið til boða beint flug með Icelandair til Orlandó og í fyrra hóf félagið áætlunarflug til Denver.

10 bestu ferðamannaborgir Bandaríkjanna að vetri til:

1. San Juan, Púertó Ríkó

2. Miami

3. Honolulu

4. Orlando

5. New Orleans

6. Denver

7. Houston

8. San Diego

9. San Antonio

10. Phoenix/Scottsdale

TENGDAR GREINAR: Bjórborgin Denver – Áhugi á skíðaferðum til Bandaríkjanna eykst

Mynd: Visit Denver

Í fyrsta sinn áætlunarflug milli Íslands og Grikklands

Flugfélagið Play fór sitt fyrsta flug til Aþenu, höfuðborgar Grikklands, í morgun. Þar með er í fyrsta skipti hafið beint áætlunarflug á milli Íslands og Aþenu. Til stóð að áætlunin myndi ná frá júní og út október en vegna mikillar eftirspurnar eftir ferðum með Play til Aþenu var ákveðið að framlengja hana til janúar 2024. … Lesa meira

Fleiri en tveir áhugasamir um stóran hlut

Það styttist í hlutafjárútboð SAS en þar er ætlunin að fá fjárfesta til að leggja rúmlega 120 milljarða íslenskra króna í þetta stærsta flugfélag Norðurlanda. Um leið verða núverandi hlutabréf nærri verðlaus og þar með verður bundinn endi á veru sænska ríkisins í hópi stærstu hluthafa. Ríkisstjórn Svíþjóðar ætlar nefnilega ekki að taka þátt í … Lesa meira

Hlutdeild erlendu flugfélaganna dalar áfram

Það voru 18 erlend flugfélög sem héldu úti áætlunarferðum til Keflavíkurflugvallar í maí og tvö íslensk, Icelandair og Play. Þessir tvær hópar skipta markaðnum á milli sín með ójöfnum hætti ef svo má segja og bilið milli þeirra breikkar. Skráðu þig inn til að lesa Þessi grein er aðeins aðgengileg áskrifendum. Smelltu hér til að … Lesa meira

„Túristinn í dag vill upplifa eitthvað“

Grindavík er í senn gamalt útgerðarpláss og vettvangur mikillar nýsköpunar. Suðurstrandarvegur breytti miklu fyrir ferðaþjónustuna og nú velta menn fyrir sér að taka á móti skemmtiferðaskipum til að nýta höfnina betur. „Aðrir innviðir verða líka að þola fleiri heimsóknir," segir Kristín María Birgisdóttir, upplýsinga- og markaðsfulltrúi.

Íslensku félögin bæði mætt til Prag en sjá ekki sömu tækifærin á tékkneska markaðnum

Fyrsta áætlunarflug Icelandair til Prag í Tékklandi var á dagskrá í dag og þar með ríkir samkeppni á ný um farþega á leið milli Íslands og höfuðborgar Tékka. Play sat eitt að þessari flugleið í fyrra en fyrir heimsfaraldur hélt Czech Airlines, þjóðarflugfélag Tékka, úti tíðum ferðum til Keflavíkurflugvallar og spreytti sig líka á áætlunarferðum … Lesa meira

Ástralir vilja komast lengra í beinu flugi

Ástralska flugsamsteypan Qantas hefur pantað fjölda nýrra flugvéla til afhendingar á næsta áratug. Metnaðarfull markmið eru um beint flug frá Ástralíu til London, New York og fleiri fjarlægra staða. Stjórnendur segja viðskiptavini tilbúna að greiða meira fyrir beint flug og sá vilji eigi að tryggja tekjur framtíðarinnar.