Fargjöldin svipuð hjá flugfélögunum

Í dag er lítill verðmunur á farinu til London og Kaupmannahafnar milli félaga og litlu máli skiptir hvort bókað er flug í janúar eða mars. Öðru máli gegnir um flugið til Oslóar.

Þriðja mánuðinn í röð sýna verðkannanir Túrista að munurinn á farmiðum félaganna sem fljúga héðan til London og Kaupmannahafnar hefur minnkað milli ára. Vegur þar þyngst að ódýrustu fargjöld Easy Jet hafa lækkað mikið frá því í fyrra. Fyrir nákvæmlega ári síðan var til að mynda ekki hægt að fá far með Easy Jet til London, undir lok janúar, fyrir minna en 56 þúsund krónur. Núna kostar ferð á sama tíma um tíu þúsund krónum minna. Icelandair bauð best í fyrra en er nú um 700 krónum dýrari kostur en Wow Air til London. Easy Jet er ennþá nokkru dýrara en íslensku félögin ef bókað er með stuttum fyrirvara en eins og sjá má á næstu síðu er félagið ódýrast ef bókað er þremur mánuðum fram í tímann.

Dregið hefur saman með Icelandair og Wow Air hvað varðar flug til Kaupmannahafnar líkt og kemur fram í töflunni hér fyir neðan. Norwegian hefur hins vegar sérstöðu fyrir þá sem ætla til Oslóar og býður félagið upp á mun lægra far en Icelandair og SAS.

Í mánaðarlegum verðkönnunum Túrista eru fundnir ódýrustu farmiðarnir til London, Kaupmannahafnar og Oslóar hjá hverju félagi fyrir sig. Við fargjaldið er bætt bókunar- og kreditkortagjöldum og kostnaði við að innrita farangur. Skoðuð eru fargjöld fjórum og tólf vikum fram í tímann

Þróun fargjalda í viku 4 (20.-26. janúar) milli ára þegar bókað er með fjögurra vikna fyrirvara

	2014	2013	Breyting
London:
Easy Jet	45.895 kr.	56.107 kr.	-17,5%
Icelandair	40.630 kr.	34.370 kr.	+18,2%
Wow Air	39.424 kr.	39.825 kr.	-1%
Kaupmannahöfn:
Icelandair	39.350 kr.	39.220 kr.	+0,3%
Wow Air	36.301 kr.	32.560 kr.	+11,5%
Osló:
Icelandair	33.270 kr.	Osló var ekki hluti af verðkönnuninn í fyrra	–
Norwegian	19.360 kr.	–	–
SAS	34.556 kr.	–	–

Í þessum mánaðarlegu könnunum Túrista eru fundin lægstu fargjöldin, báðar leiðir, innan ákveðnar viku hjá hverju félagi fyrir sig. Gert er ráð fyrir að lágmarksdvöl í útlöndum sé tveir sólarhringar. Farangurs- og kreditkortagjöld eru tekin með í reikninginn (sjá samantekt yfir aukagjöld hér). Verð voru fundin á heimasíðum félaganna 26. nóvember 2013 og 2012.

Á næstu síðu má sjá þróun verðgjalda í viku 12

BÍLALEIGUBÍLAR: Svona borgar þú miklu minna fyrir bílaleigubíl

Ný þota væntanleg til Akureyrar í dag

Seinka varð flugi Niceair frá Kaupmannahöfn til Akureyrar í gær þar sem þotan sem félagið er með á leigu var kyrrsett vegna deilu leigusala og eigenda flugvélarinnar samkvæmt frétt Mbl. Þotunni var svo flogið tómri til Írlands seinnipartinn í gær en farþegar Niceair flugu til Akureyrar með annarri leiguvél. Á morgun er á dagskrá ferð … Lesa meira

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.