Daglaunafólk á gott ár í vændum, alla vega í frídögum talið.
Í ár verður baráttudagur verkalýðsins, þjóðhátíðardagurinn og öll jólin haldin hátíðleg á virkum degi. Almennir launþegar fá því aukalega tólf frídaga í miðri viku í ár, líkt og á því síðasta. Árið 2012 voru tveir rauðir dagar um helgi.
Hvítasunna í júní
Í byrjun sumars gefst gott tækifæri til að taka sér langt frí en spara um leið tvo orlofsdaga. Hvítasunnudagur verður áttunda júní í ár og annar í hvítasunnur er lögbundinn frídagur. Þjóðhátíðardagurinn er svo vikuna eftir og þar með er hægt að bóka tveggja vikna frí um miðjan júní en nota aðeins átta sumarleyfisdaga.
Síðasta vikan í apríl býður upp á það sama því sumardagurinn fyrsti er fimmtudaginn 24. apríl í ár og fyrsti maí er viku síðar.
Aftur löng jól
Líkt og fyrra þá eru allir jóladagarnir á virkum degi í ár og vafalítið margir sem munu nýta sér það til að ferðast. En eins og kom fram hér nýverið þá seldist óvenju snemma upp í Kanaríferðir jólanna í fyrra.
BÍLALEIGA: Auðvelt að finna ódýrari bílaleigubíla – Svona borgar þú miklu minna fyrir bílaleigubíl
Mynd: Turismos Canarias