Samfélagsmiðlar

Aukið eftirlit með handfarangri

Það kostar Isavia tugi milljóna að fylgja nýjum reglum Evrópusambandsins um vökva í  handfarangri.

Í rúm sjö ár hafa flugfarþegar aðeins mátt taka með sér vökva í litlum flöskum í handfarangri. Vonir stóðu til að banninu yrði aflétt í Evrópu fljótlega eða slakað yrði á kröfunum. Evrópusambandið hefur hins vegar ákveðið að herða reglurnar nú um mánaðarmótin og samræma þær evrópsku við það sem gildir í bandarískum flughöfnum. Stærsta breytingin gengur út á að hér eftir verður að skima 40 prósent af öllum lyfjum, barnamat og öðrum matvælum í sérstökum skanna. Hingað til hefur það ekki verið gert.

Dýrar breytingar

Friðþór Eydal, upplýsingafulltrúi Isavia, segir að félagið hafi keypt búnað fyrir um 20 milljónir til að geta sinnt þessu aukna eftirliti og nú standi yfir þjálfun starfsmanna.

Samkvæmt heimasíðu Keflavíkurflugvallar þá gilda þessar reglur um vökva í handfarangri:

– Hver eining umbúða má að hámarki rúma 100 millilítra (1dl) af vökva.
– Allar umbúðirnar verða að rúmast í gegnsæjum eins lítra plastpoka sem hægt er að lokameð plastrennilás
– Hverjum farþega er heimilt að hafa með sér einn poka.
– Með umbúðum er átt við flöskur, túpur, hylki og annað sem getur innihaldið vökva.
– Gosflöskur og dósir eru flestar stærri en 100 ml (1dl) og eru því ekki leyfðar inn fyrir öryggishlið flugverndar.

Upplýsingar um undanþágur og fleira tengt takmörkun á vökva er að finna hér.

VINSÆLT: Svona borgar þú minna fyrir bílaleigubíl
NÝTT: Wow Air nálgast Iceland Express
TILBOÐ: 3ja nóttin frí í Edinborg

Mynd: Isavia

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …