Samfélagsmiðlar

Kannabis kann að auka ferðamannastrauminn til Kólóradó

Nú má kaupa marijúna út í búð í Kólóradó og það er því ekki lengur bannað að hafa efnin á sér. Nema á flugvellinum í Denver.

Um áramót hóf fjöldi verslana í Kólóradó fylki í Bandaríkjunum að selja marijúana en þá gengu í gildi ný lög í fylkinu sem leyfa sölu á kannabisefnum til upplyftingar en ekki aðeins til lækninga. Kólóradó er fyrsta fylkið vestanhafs til að taka upp svo frjálslyndar reglur. Samkvæmt frétt Rúv þá mega heimamenn kaupa 28 grömm í einu en aðkomufólk aðeins 7 grömm. Efnisins má aðeins neyta í heimahúsum og reykstofur að hollenskri fyrirmynd munu því ekki opna í fylkinu.

Bann á flugvellinum

Þrátt fyrir þessar takmarkanir þá reikna yfirvöld með því að nýju reglurnar muni auka ferðamannastrauminn til Kólóradó og óttast um leið að margir muni reyna að flytja kannabis þaðan til annarra fylkja í Bandaríkjunum. Á flugvellinum í Denver hefur því verið sett á algjört bann við því að hafa marijúna meðferðis öfugt við aðra opinbera staði í fylkinu samkvæmt frétt Denver Post. Icelandair flýgur til Denver allt árið um kring.

Líka í Washington innan skamms

Nýju lögin í Kólóradó stríða gegn bandarískum alríkislögum en stjórn Obama forseta hefur heitið því að gefa fylkjunum fullan rétt til að setja sér eigin reglur í þessum málum. Síðar á árinu munu íbúar Washington fylkis einnig fá leyfi til að fara út í búð til að kaupa sér kannabis. Maríiúna verður áfram aðeins leyft í lækningarskyni í 18 öðrum fylkjum Bandaríkjanna.

Bjórborgin Denver

John Hickenlooper, fyrrum borgarstjóri Denver og núverandi fylkisstjóri Colorado hóf feril sinn sem bareigandi og bruggari í Denver. Ölið hann sló svo rækilega í gegn að hann rúllaði fyrst upp kosningum til borgarstjóra (87% atkvæða) og svo til fylkisstjóra. Ferðamálayfirvöld í Denver eru nú farin að markaðssetja borgina sem áfangastað fyrir vandláta bjórþambara eins og sjá má á myndbandinu hér fyrir neðan.

TENGDAR GREINAR: Borg í góðum tengslum við náttúrunaSjarmatröllið í Denver sem Starbucks á ekki roð í

Mynd: Visit Denver

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …