Samfélagsmiðlar

Lægsta verðið þegar engin samkeppni er um farþegana

Hvað kostar að fljúga til borga þar sem aðeins eitt flugfélag er í boði? Hér eru ódýrustu fargjöldin til sex evrópskra borga í sumar.

Fyrir nákvæmlega ári síðan þurfti að borga meira fyrir sumarferð til Edinborgar, Gautaborgar, Kölnar og Sankti Pétursborgar en í dag. Hins vegar hafa fargjöldin til Varsjár og Lyon hækkað á milli ára. Allar þessar borgir eiga það sammerkt að aðeins eitt flugfélag býður upp á áætlunarferðir þangað. Og að Edinborg undanskilinni þá er eingöngu hægt að fljúga þangað beint frá Keflavík á sumrin.

Í síðustu viku athuguðum við verðþróun á farmiðum til fimm evrópskra borga þar sem ríkir samkeppni um farþegana. Verðin þá voru líka á alla vegu en höfðu almennt lækkað frá því í fyrra.

Líkt og áður voru fundnar ódýrustu ferðirnar, báðar leiðir, með brottför frá Íslandi í hverjum mánuði fyrir sig. Miðað er við að dvölin í útlöndum sé ein til tvær vikur. Heimferðin getur því verið í öðrum mánuði en brottförin t.d. ef ódýrasta ferðin út er í síðustu viku júnímánaðar og ódýrasta ferðin til Íslands er í fyrstu viku júlí.

Farangurs- og bókunargjöldum er bætt við farmiðaverðið og gengi dagsins í dag (16. janúar) er notað til að reikna út verð erlendu félaganna. Í fyrra var könnunin gerð 17.janúar

Easy Jet – Edinborg

Nú er flogið til höfuðborgar Skotlands allt árið en áður var borgin á sumardagskrá Iceland Express. Farmiðar Easy Jet eru á svipuðu róli og á síðasta ári nema í ágúst þar sem miklu munar.

 20132014
Jún25.403 kr.26.047 kr.
Júl30.037 kr.29.270 kr.
Ágú29.187 kr.22.523 kr.

 

 


Icelandair – Gautaborg

Til næst fjölmennustu borgar Svíþjóðar er aðeins flogið frá miðjum júní og fram til loka sumars. Engin munur er á ódýrstu fargjöldum hvers mánaðar og þannig var það einnig í fyrra.

 20132014
Jún40.510 kr.40.190 kr.
Júl40.510 kr.40.190 kr.
Ágú40.510 kr.40.190 kr.

 

 

German Wings – Köln

Þýska lággjaldaflugfélagið er eitt eftir í Köln en Iceland Express og Wow Air flugu þangað árið 2012. Júní er mánuðurinn fyrir þá sem vilja komast ódýrt frá Kölnarferðinni.

 2013
2014
Jún42.651 kr.36.743 kr.
Júl57.949 kr.47.577 kr.
Ágú49.530 kr.44.437 kr.

 

 

HÓTEL: Smelltu hér til að gera verðsamanburð á gistingu í Köln

Wow Air – Lyon

Wow Air bætir við ferðum til Lyon í sumar en ódýrasta farið í júlí og ágúst hefur hækkað nokkuð frá því í fyrra.

 20132014
Jún53.057 kr.50.420 kr.
Júl49.057 kr.58.420 kr.
Ágú49.057 kr.54.420 kr.

 

 

HÓTEL: Smelltu hér til að gera verðsamanburð á gistingu í Lyon

Icelandair – Sankti Pétursborg

Í fyrra var í fyrsta skipti boðið upp á áætlunarflug héðan til Rússlands. Eins og sjá má á töflunni þá er mun ódýrara að bóka flug til Sankti Pétursborgar frá Keflavík í júní og júlí en það var á sama tíma í fyrra.

 20132014
Jún50.860 kr.39.290 kr.
Júl50.860 kr.39.290 kr.
Ágú50.860 kr.50.590 kr.

 

 

HÓTEL: Smelltu hér til að gera verðsamanburð á gistingu í Sankti Pétursborg

Wow Air – Varsjá

Flugsamgöngur við Pólland hafa verið nokkuð góðar síðustu ár enda býr fjöldi Pólverja á Íslandi. Lægstu fargjöldin til höfuðborgarinnar hafa hækkað um alla vega tíund milli ára.

 20132014
Jún61.440 kr.64.792 kr.
Júl61.440 kr.66.792 kr.
Ágú57.440 kr.64.792 kr.

 

 

HÓTEL: Smelltu hér til að gera verðsamanburð á gistingu í Varsjá 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …