Ódýrara fyrir íslenska túrista í útlöndum

Íslenska krónan hefur styrkst undanfarið og í samanburði við gjaldmiðla Noregs og Kanada þá hefur hún eflst um fimmtung.

Nú er sá tími sem margir bóka utanlandsferðir sumarsins og það er ánægjulegt að gengi krónunnar er hagstæðara í dag en á sama tíma í fyrra. Núna borgar íslenskur kreditkortahafi um tíu prósent minna fyrir hótel í London, Washington eða París. Sama gildir um bílaleigubíla ef við gerum ráð fyrir að verðlagið í þessum löndum hafi haldist stöðugt.

Ánægjulegast er hins vegar að sjá þróun mála í Kanada og Noregi. Það lætur nefnilega nærri að gjaldmiðlar þessara landa hafa lækkað um fimmtung í samanburði við íslensku krónuna síðustu mánuði. Sem dæmi má nefna að í janúar í fyrra sagði Túristi frá því að þriggja daga skíðakort í Oslo Vinterpark kostaði um 25 þúsund íslenskar krónur. Kortið er núna á 17.500 kr. Par sem sest inn á hinn huggulega Le bistro Selection í Toronto borgar um 1500 krónum minna fyrir kvöldmatinn nú en fyrir nokkrum mánuðum síðan og aðgangseyrir að hinu áhugaverða safni Art Gallery Ontario hefur lækkað um 300 íslenskar. Það munar um minna og sennilega geta einhverjir hagsýnir reiknað út að það margborgi sig að fara til útlanda núna.

Eins og gefur að skilja er ekki horft til gengisins árið 2007 í þessari samantekt.

VINSÆLT: Svona borgar þú minna fyrir bílaleigubíl
TILBOÐ: 25% afsláttur í London – 3ja nóttin frí í Edinborg

Mynd: Heidi Thon/Oslo Vinterpark

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira