Samfélagsmiðlar

Sjarmaherferð Ryanair

Forsvarsmenn stærsta lággjaldaflugfélags Evrópu hafa nú með jöfnu millibili kynnt betrumbætur á þjónustunni og lægri aukagjöld.

Forstjóri Ryanair viðurkenndi á síðasta ári að félagið þyrfi að bæta þjónustu sína á mörgum sviðum. Í kjölfarið hætti írska félagið að rukka fyrir snjallsímaforrit fyrirtækisins, heimasíðan var tekin í gegn og farþegum var heimilt að taka aukalega með sér lítinn poka eða tösku í handfarangri. Áður þurfti allur handfarangur að komast í eina tösku, þar með taldir fríhafnarpokar, dagblöð og tölvur.

Hátt farangursgjald

En það er ekki bara þjónustan sem á að batna því kaup á aukaþjónustu verður ódýrari í einhverjum tilfellum. Félagið hefur til að mynda lækkað farangursgjald sitt á flugvöllum um helming en gjaldið fyrir netbókun á töskum er óbreytt. Farþegar írska flugfélagsins greiða á bilinu 15 til 60 evrur (2300-9400 krónur) fyrir innritaðar töskur og ræðst verðið af þyngd og árstíma. Þetta er nokkru hærra verð en önnur lággjaldaflugfélög rukka og afleiðing er sú að aðeins fimmti hver farþegi félagsins innritar farangur. Himinhá þóknun vegna útprentunar á brottfararspjöldum var líka lækkuð.

Ætla að gera eins og aðal keppinauturinn

Forsvarsmenn Ryanair munu einnig að feta í fótspor Easy Jet og leyfa fólki að taka frá sæti í allri vélinni gegn greiðslu. En hingað til hefur félagið boðið fólki upp á að bóka fremstu fimm sætaraðirnar eða borga fyrir að komast fyrst inn í vélina. En eins og Túristi kannaði í sumar þá er allur gangur á því hversu hátt hlutfall sætanna er tekinn frá eftir því hvort flogið er héðan með Wow Air eða Easy Jet. Það er því ekki víst að það borgi sig alltaf að borga fyrir þessa þjónustu.

ÞRIÐJA NÓTTIN FRÍ Í EDINBORG

NÝJAR GREINAR: Lægsta verðið þegar engin samkeppni er um farþegana

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …