Samfélagsmiðlar

Styttist í úrslitastund á Keflavíkurflugvelli

Tíminn vinnur ekki með stjórnendum íslensku flugfélaganna sem bíða eftir úrskurði áfrýjunarnefndar samkeppnismála. Þangað til ríkir óvissa með flug til N-Ameríku.

Í byrjun nóvember fór Samkeppnisstofnun fram á það við Isavia, rekstraraðila Keflavíkurflugvallar, að Wow Air fengi afgreiðslutíma við Flugstöð Leifs Eiríkssonar til að hefja áætlunarflug til Boston og New York í sumar. Í dag eru engin brottfararhlið á lausu í Keflavík yfir aðalferðamannatímann til að sinna flugi til og frá löndum utan Schengen svæðisins að morgni og seinnipartinn. Isavia áfrýjaði úrskurðinum og sagði í tilkynningu frá félaginu að úthlutunin sé framkvæmd af óháðum alþjóðlegum aðila og telja forsvarsmenn Isavia að þeim sé ekki heimilt að grípa inn í með þeim hætti sem Samkeppniseftirlitið krefst. Icelandair kærði einnig niðurstöðuna.

Fengu ekki umbeðna tíma

Skömmu síðar var skipting afgreiðslutíma á Keflavíkurflugvelli fyrir næsta sumar gerð opinber. Hún var ekki í takt við niðurstöðu Samkeppniseftirlitsins og fékk Wow Air til að mynda ekki þá tíma sem félagið óskaði eftir fyrir flug til Bandaríkjanna. Sömu sögu er að segja af flugi Icelandair til Edmonton og Vancouver í Kanada.

Eftir tvær vikur eiga stjórnendur flugfélaganna að staðfesta að þeir ætli að nota þá tíma sem félögin fengu. En ekki er víst hvort áfrýjunarnefnd samkeppnismála nái að kveða upp sinn úrskurð fyrir þann tíma samkvæmt svari frá nefndinni. Það stefnir því í að núverandi óvissuástand muni vara fram til loka mánaðarins og jafnvel lengur eftir því hvaða niðurstöðu áfrýjunarnefndin kemst að.

Vilja ekki tjá sig

„Okkar plön fyrir flugið til Edmonton og Vancouver eru óbreytt og við vonum að þetta leysist farsællega fyrir mánaðamót með sem minnstum óþægindum fyrir okkar farþega“, segir Guðjón Arngrímsson, upplýsingafulltrúi Icelandair, aðspurður um stöðuna sem komin er upp. En félagið hóf sölu á farmiðum til kanadísku borganna í haust. Forsvarsmenn Wow Air vilja hins vegar ekki tjá sig um flug félagsins til Bandaríkjanna þegar eftir því var óskað. Félagið hefur ekki ennþá hafið sölu á ferðum vestur um haf þó aðeins séu nokkrir mánuðir í að flugið eigi að hefjast miðað við yfirlýsingar stjórnenda félagsins í vetur.

VINSÆLT: Svona borgar þú minna fyrir bílaleigubíl
TILBOÐ: 3ja nóttin frí í Edinborg

Mynd: Isavia

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …