Samfélagsmiðlar

Telja að koma Wow Air marki tímamót

Áætlunarflug Wow Air til Bandaríkjanna er talið meðal þeirra atriða sem muni valda mestum breytingum á flugmarkaðinum vestanhafs í ár.

Hraðari vopnaleit, betra netsamband í háloftunum og minni sæti eru meðal þeirra atriða sem blaðamenn eins vinsælasta ferðatímarits heims, CN Traveler, telja að muni einkenna flugsamgöngur vestanhafs í ár. Þeir sjá líka fram á ódýrari fargjöld til Evrópu með tilkomu lággjaldaflugfélaganna Norwegian og Wow Air.

Segir í grein á heimasíðu blaðsins að félögin tvö ætli sér að nota sparneyttar vélar í flugið yfir hafið og forsvarsmenn félaganna hafi sagt að þeir geti því boðið ódýrari farmiða. Ameríkuflug Norwegian hófst á síðasta ári en hefur gengið brösuglega vegna tíðra bilanna Dreamliner þota félagsins.

Boston í vor en ólíklega til New York

Eins og Túristi greindi frá í síðustu viku þá hafa bandarísk flugmálayfirvöld samþykkt umsókn Wow Air um leyfi til að fljúga til Bandaríkjanna. Ekki liggur þó fyrir hvenær félagið hefur sölu á farmiðum en forstjóri félagins hefur áður sagt að flug til Boston eigi að hefjast í vor. Til samanburðar má geta að þegar Iceland Express hóf flug til New York sumarið 2010 þá hófst sala á miðum haustið á undan.

Wow Air sótti um afgreiðslutíma á Keflavíkurflugvelli fyrir flug til Boston og New York í sumar en samkvæmt heimildum Túrista þá voru ekki lausir tímar á Newark flugvelli, í nágrenni New York, fyrir flug Wow Air. Það er því ólíklegt að félagið getið boðið upp á ferðir þangað í ár.

VINSÆLT: Svona borgar þú miklu minna fyrir bílaleigubíl
HÓTEL: Gerðu verðsamanburð á gistingu út um allan heim

Mynd: Wow Air

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …