Samfélagsmiðlar

Ætla ekki í samkeppni um farþega á leið til Kaupmannahafnar

Þriðja stærsta lággjaldaflugfélag Evrópu fékk afgreiðslutíma á Keflavíkurflugvelli í sumar fyrir flug til Kaupmannahafnar. Forsvarsmenn félagsins ætla þó ekki að nýta sér tímana.

Í farþegum talið þá er flugleiðin milli Kaupmannahafnar og Keflavíkur ein af þeim vinsælustu á flugvellinum við Kastrup yfir sumarmánuðina. Forsvarsmenn norska flugfélagsins Norwegian hafa auga á þessari leið og sóttu nýverið um afgreiðslutíma á Keflavíkurflugvelli fyrir flug til höfuðborgar Danmerkur líkt og Túristi greindi frá.

Ekkert verður hins vegar úr þessum áformum á næstunni og segir talsmaður Norwegian í svari til Túrista að félagið kanni flug til fjölmargra áfangastaða og sæki því víða um afgreiðslutíma án þess þó að notfæra sér þá alla.

Norwegian flýgur hingað frá Osló allt árið um kring og bætir fljótlega við áætlunarferðum frá Bergen.

Næst vinsælasta flugleiðin

Yfir aðal ferðamannatímann í ár ætlar Icelandair að fljúga allt að tuttugu og sex sinnum í viku til Kaupmannahafnar og Wow Air býður upp á morgunflug alla daga. Af þeim 48 borgum sem flogið verður til frá Keflavík í sumar þá er þá er þetta meira framboð af ferðum en til nokkurrar annarrar borgar að London undanskilinni.

NÝJAR GREINAR: Fleiri til Köben en Stokkhólm og Oslóar
TILBOÐ: 15% afsláttur í Kaupmannahöfn3ja nóttin frí í Edinborg

 

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …