Auka framboð á sólarlandaferðum um fjórðung

Upphaflega ætluðu forsvarsmenn ferðaskrifstofunnar Nazar að selja Íslendingum tvö þúsund ferðir til Tyrklands í sumar. Viðtökurnar hafa hins vegar verið það góðar að rúmlega fimm hundruð sætum verður bætt við í ágúst.

„Ísland er besti markaður okkar um þessar mundir,“ segir Kemal Yamanlar, framkvæmdastjóri norrænu ferðaskrifstofunnar Nazar. Ástæðuna segir hann vera þá að sölumarkmiðin hafi náðst mun hraðar hér á landi en á öðrum markaðssvæðum. Þremur ferðum frá Keflavík til Antalya í Tyrklandi verður því bætt við dagskrá Nazar í ágúst og þar með eykst framboð ferðaskrifstofunnar um rúmlega fjórðung á íslenska markaðnum.

Nazar hefur sérhæft sig í Tyrklandsreisum frá Skandinavíu og Finnlandi síðustu tíu ár en hóf starfsemi hér á landi í nóvember síðastliðnum. Ferðaskrifstofan er í eigu TUI samsteypunnar sem er einn umsvifamesti ferðaskipuleggjandi í heimi.

Íslenska Facebook síðan flýgur fram úr

Kemal segir að undirtektirnar á Íslandi hafi verið mjög góðar og nefnir sem dæmi að þó félagið hafi starfað hér í skamman tíma þá sé íslenska Facebook síða Nazar sú næstvinsælasta hjá fyrirtækinu. Einnig hafi fjölmargir haft samband og líst yfir ánægju með að félagið ætli að bjóða upp á íslenska fararstjóra og krakkaklúbba á áfangastöðum sínum í sumar. Að mati Kemal hjálpar það einnig að fleiri íslenskar ferðaskrifstofur bjóði upp á sólarlandaferðir til Tyrklands því þá fái landið meiri athygli. Vita, Sumarferðir og Heimsferðir verða allar með pakkaferðir til Bodrum og Marmaris í Tyrklandi í sumar samkvæmt lauslegri könnun Túrista.

Eins og kom fram í viðtali Túrista við Kemal í lok síðasta árs þá ætlar félagið sér að vaxa hratt á íslenska markaðnum og fimmfalda söluna á þremur árum. Farþegar ferðaskrifstofunnar verða þá um tíu þúsund talsins en þess má geta að 106 þúsund íslenskir farþegar flugu frá Keflavíkurflugvelli yfir sumarmánuðina í fyrra.

TILBOÐ: 25% AFSLÁTTUR Í LONDON – 3JA NÓTTIN FRÍ Í EDINBORG
VINSÆLT: SVONA BORGAR ÞÚ MIKLU MINNA FYRIR BÍLALEIGUBÍL

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.

Vanguard á lista yfir stærstu hluthafa Icelandair

Bandarískir sjóðir halda áfram að auka hlut sinn í Icelandair því samkvæmt nýjum hluthafa lista þá hefur bandaríska sjóðastýringafyrirtækið Vanguard eignast 0,89 prósent hlut í Icelandair. Flugfélagið bætist þar með í hóp fjölda skráðra íslenskra fyrirtækja sem Vanguard hefur fjárfest í undanfarin misseri. Um leið eykst vægi erlendra fjárfesta í eigendahópi Icelandair en líkt og … Lesa meira