Stundvísitölur: Lítið um tafir í janúar

Rúmlega níu af hverjum tíu ferðum á vegum Easy Jet og Wow Air voru á réttum tíma í janúar en þeim seinkaði oftar hjá Icelandair.

Það var lítið um tafir á komum og brottförum þriggja umsvifamestu flugfélaganna á Keflavíkurflugvelli í síðasta mánuði. Framförin frá því í desember var góð en sá mánuður var einn sá lakasti hjá félögunum síðan að Túristi hóf að reikna út stundvísitölur sínar í júní árið 2011.

Að þessu sinni er Easy Jet tekið með í samantektina, hér fyrir neðan, enda hefur félagið fjölgað ferðum sínum til og frá landinu hratt undanfarna mánuði og stendur fyrir nærri 7 prósent ef öllu millilandaflugi héðan. Ferðir SAS og Norwegian voru mun færri en eins og sagt var frá hér á síðunni í gær þá hefur síðarnefnda félagið fengið afgreiðslutíma á Keflavíkurflugvelli fyrir flug til Kaupmannahafnar. Umsvif þess gætu því aukist þegar líður á árið en félagið hefur flug hingað frá Bergen í vor.

Stundvísitölur Túrista – janúar 2014

1.-31.janúar	Hlutfall brottfara á tíma	Meðalseinkun brottfara	Hlutfall koma á tíma	Meðalseinkun koma	Hlutfall ferða á tíma	Meðalseinkun alls	Fjöldi ferða
Icelandair	83%	2 mín	79%	6 mín	81%	3,5 mín	978
Wow Air	88%	5 mín	96%	2 mín	92%	3,5 mín	234
Easy Jet	94%	1 mín	89%	1,5 mín	91%	1 mín	92

Um útreikningana: Daglega reiknar Túristi út hversu mikill munur er á áætluðum komu- og brottfarartímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um minna en korter telst vera innan skekkjumarka í fluggeiranum þá eru 14 mínútur dregnar frá öllum seinkunum sem eru lengri en 15 mínútur. Flug sem tefjast um minna en stundarfjórðung teljast vera á áætlun.

VINSÆLT: Svona borgar þú minna fyrir bílaleigubíl
HÓTEL: Gerðu verðsamanburð á gistingu og bókaðu besta kostinn
TILBOÐ: 3ja nóttin frí í Edinborg

Mynd: Gilderic/Creative Commons

Þrjú skemmtiferðaskip með rúmlega sjö þúsund farþega

Meira en sjö þúsund farþegar hafa streymt til og frá Sundahöfn í Reykjavík á einum annasamasta skipakomudegi ársins. Þrjú skemmtiferðaskip liggja við bryggju. Umferðarstýring hefur verið bætt á hafnarsvæðinu og farþegum bjóðast fleiri flutningsmöguleikar. Það eru rútur af ýmsum gerðum frá mörgum ferðaþjónustufyrirtækjum sem sækja farþega skipanna í skipulagðar ferðir. Einnig eru í boði ferðir … Lesa meira

Icelandair til Færeyja og flugfélag heimamanna til Bandaríkjanna

Icelandair ætlar að hefja flug til Færeyja þann 1. maí á næsta ári og verður ferðunum haldið úti fimm til sex sinnum í viku út október. Flogið verður til Færeyja að morgni dags frá Keflavíkurflugvelli og farþegar geta því tengt ferðirnar við flug Icelandair til og frá Bandaríkjunum. Þjóðarflugfélag Færeyja, Atlantic Airways, er einmitt að … Lesa meira

Evrópusambandið kynnir fjármagnaða aðgerðaáætlun í geðheilbrigðismálum

Markmið Evrópusambandsins er að hugað verði að geðheilsu til jafns við líkamlega heilsu. Kynnt hafa verið 20 verkefni á sviði geðheilbrigðismála og því lýst hvernig eigi að fjármagna þau með 1,2 milljarða evra framlögum úr sjóðum sambandsins. Talið er miklu kostnaðarminna að grípa til aðgerða en að gera ekki neitt.

Velgegni Play snýst ekki um að Icelandair gangi illa

Farþegar sem millilenda hér á landi á leið sinni yfir Atlantshafið eru Icelandair og Play mikilvægir. Stjórnendur félaganna horfa þó í meira mæli til fólks á leið í Íslandsferð og hjá Icelandair vegur sá hópur mun þyngra í dag. Forstjóri Play segir skiptinguna í sumar verða aðra.

„Hefur skort hleðsluinnviði og fyrirsjáanleika“

„Loksins þegar allur almenningur ætti að geta eignast rafbíl þá koma nýir skattar í veg fyrir það. Þetta eru röng skilaboð," segir Jón Trausti Ólafsson, framkvæmdastjóri Öskju. Hann gagnrýnir að á Íslandi hafi skort samhæfða stefnu stjórnvalda um hvernig standa eigi að rafbílavæðingunni. Það vanti allan fyrirsjáanleika.