Samfélagsmiðlar

Á brattann að sækja hjá Easy Jet

Á sama tíma og breska lággjaldaflugfélagið eykur umsvif sín hér á landi draga forsvarsmenn félagsins saman seglin í nágrannalöndunum.

Nærri ein af hverjum tíu farþegaþotum sem hefja sig til flugs í Keflavík er á vegum breska lággjaldaflugfélagsins Easy Jet. Félagið hefur meira en fjórfaldað starfsemi sína hér á landi og bauð upp á 56 ferðir héðan til fjögurra breskra flugvalla í síðasta mánuði. Í vor hefst svo áætlunarflug til Basel í Sviss.

Innkoma Easy Jet á íslenska markaðinn virðist því hafa gengið upp en sömu sögu er ekki að segja af tilraunum félagsins í Noregi, Finnlandi og Svíþjóð. Í sumarbyrjun mun félagið hætta flugi til og frá Noregi en fyrir þremur árum fór félagið einnig af finnska markaðnum samkvæmt frétt Checkin.dk. Í Svíþjóð hafa forsvarsmenn Easy Jet dregið saman seglin og bjóða aðeins upp á flug milli Genfar og Stokkhólms. Í Danmörku hefur félagið hins vegar dafnað og er nú meðal umsvifamestu flugfélaganna á Kaupmannahafnarflugvelli.

Ótrúleg fjölgun breskra ferðamanna

Líkt og Túristi greindi frá þá eru Íslendingar ekki lengur fjölmennasti ferðaþegahópurinn í Flugstöð Leifs Eiríkssonar. Breskum ferðamönnum hefur nefnilega fjölgað um nærri helming frá því í fyrra og á sama tíma hefur ferðunum þangað fjölgað hratt. Er nú flogið nærri átta sinnum á dag til Bretlands frá Keflavíkurflugvelli og hefur flug til London meira en tvöfaldast. Munar þar um tilraun Easy Jet á daglegu flugi héðan til Luton flugvallar í útjaðri Lundúna.

Mikil verðlækkun

Þessi fjölgun ferða til Bretlands virðist hafa haft töluverð áhrif á fargjöldin því samkvæmt nýlegri verðkönnun Túrista hafa farmiðar til London lækkað um meira en fjórðung hjá Icelandair og Wow Air en um nærri fjörtíu prósent hjá Easy Jet milli ára.

TILBOÐ: 15% afsláttur í KaupmannahöfnÞRIÐJA NÓTTIN FRÍ Í EDINBORG
VINSÆLT: ER ÓDÝRARA AÐ LEIGJA BÍL MEÐ 3JA MÁNAÐA EÐA 3JA VIKNA FYRIRVARA?

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …