Samfélagsmiðlar

Afhverju hækkar verðið þegar bókað er fyrir alla fjölskylduna?

Þegar pantaðir eru fjórir flugmiðar í einu getur verð á hvern farþega orðið nokkru hærra en ef aðeins er bókaður einn miði. Túristi bað forsvarsmenn flugfélaganna að útskýra málið.

Það eru sennilega margir sem kanna verð á flugmiðum með því að leita aðeins eftir fari fyrir einn farþega þó ætlunin sé að kaupa fyrir alla fjölskylduna. En þegar farþegafjöldinn er hækkaður úr einum í fjóra þá getur meðal fargjaldið hækkað um þúsundir króna.

Túristi fann nokkur slík dæmi í athugun sinni á heimasíðum Icelandair og Wow Air eins og sjá má hér fyrir neðan. Þess ber þó að geta að í flestum tilfellum er munurinn enginn en hann getur hins vegar verið umtalsverður.

Verðdæmi:

Icelandair til Barcelona 22. til 29. júlí:

1 miði bókaður: 82.600 kr.
4 miðar bókaðir: 85.700 kr. á mann
Mismunur: 3.100 kr.

Wow air til Barcelona 18. til 25. júlí

1 miði bókaður: 57.576 kr.
4 miðar bókaðir: 59.576 kr. á mann
Mismunur: 2.000 kr. á mann (995 kr. bókunargjald bætist við hjá Wow Air)

Icelandair til Mílanó 7. til 14. júlí:

1 miði bókaður: 63.080 kr.
4 miðar bókaðir: 69.180 kr. á mann
Mismunur: 6.100 kr.

Wow air til Zurich 5. til 12. júlí

1 miði bókaður: 86.703 kr.
4 miðar bókaðir: 94.703 kr. á mann
Mismunur: 8.000 kr. á mann (995 kr. bókunargjald bætist við hjá Wow Air)

Mismunandi ástæður

Aðspurður um þennan mikla mun segir Guðjón Arngrímsson, upplýsingafulltrúi Icelandair: „Í hverri vél er ákveðinn fjöldi sæta á ákveðnu verði. Að öllu jöfnu eru ódýrustu sætin seld fyrst og síðan dýrari koll af kolli og að lokum er síðasta sætið í vélinni jafnframt það dýrasta. Þegar fleiri en einn í hóp kaupa sér sæti saman eru keypt bæði ódýr sæti og dýrari og þannig verður meðalverðið hærra en ef eingöngu er keypt ódýrasta sætið. Sama niðurstaða fengist ef fjögur sæti væru keypt í sitthvoru lagi.”

Talsmenn flugfélaganna SAS og Norwegian segja bókunarkerfi sinna félaga þó ekki vera þessum eiginleika búin. Í viðtali við Aftenposten segir upplýsingafulltrúi Norwegian að ef til eru fjórir miðar á 499 norskar krónur og sjö miðar á 679 krónur og panta eigi sjö miða, þá finni bókunarvélin sjálfkrafa dýrari miðana. Talsmaður SAS segir þeirra kerfi byggt upp á sambærilegan hátt  og það finnur því ekki meðalverð líkt og kerfi Icelandair. Túristi leitaði einnig skýringa hjá upplýsingafulltrúa Wow Air en þrátt fyrir ítrekaðar tilraunir fékkst ekki svar.

 

Nýtt efni
Veitingaþjónusta

Íslenskt atvinnulíf er mjög háð aðfluttu vinnuafli. Það á ekki síst við um ferðaþjónustuna. Umsvif hennar væru mun minni ef ekki kæmu hingað útlendingar þúsundum saman til starfa á ári hverju. Samkvæmt Hagstofunni voru 35.233 starfandi í einkennandi greinum ferðaþjónustu á Íslandi í júní 2023. Þar af voru um 15.500 útlendingar.  Heildartalan yfir þá sem …

Áætlunarflug milli Akureyrar og London hófst í lok október og síðan þá hafa þotur Easyjet flogið þessa leið tvisvar í viku en engin talning fer fram á fjölda ferðamanna á Akureyrarflugvelli öfugt við það sem tíðkast á Keflavíkurflugvelli. Til að meta fjölda breskra ferðamanna í beina fluginu þarf því að styðjast við gistináttatölur Hagstofunnar en …

Frakkar fjölmenna til Íslands allt árið um kring og í fyrra flugu frá Keflavíkurflugvelli 99 þúsund farþegar með franskt vegabréf. Það jafngildir því að fimm af hverjum 100 ferðamönnum hér á landi séu franskir enda eru flugsamgöngur milli Íslands og Parísar tíðar og stefnir í að þeir verði óvenju miklar næsta vetur. Það eru því …

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …