Samfélagsmiðlar

Hlutfall Íslendinga lækkar þó ferðagleðin aukist

Á árunum fyrir hrun var annar hver farþegi í innritunarsal Flugstöðvar Leifs Eiríkssonar með íslenskt vegabréf. Nú er staðan gjörbreytt.

Það flugu nærri því tvöfalt fleiri farþegar frá Keflavíkurflugvelli í fyrra en árið 2003 þegar þeir voru 600 þúsund talsins. Þetta sýna talningar Ferðamálastofu sem ná yfir allar þá farþega sem innrita sig í flug í Keflavík. Farþegar sem aðeins millilenda eru ekki taldir með.

Þegar rýnt er í þessar talningar sést að hlutfall Íslendinga í farþegahópnum var á bilinu 48,6 prósent til 52,3 prósent á árunum 2003 til 2007. Síðan fór ferðum Íslendinga fækkandi en ferðamannastraumurinn hingað jókst mikið. Þó góður stígandi hafi verið í utanlandsreisum Íslendinga á ný síðustu ár þá var innan við þriðji hver farþegi í innritunarsal flugstöðvarinnar í fyrra Íslendingur. Lækkaði hlutfallið um tíund frá árinu 2012. Sú þróun gæti haldið áfram því eins og Túristi greindi frá í gær þá gerðist það í fyrsta skipti í síðasta mánuði að Íslendingar voru ekki fjölmennasta þjóðin sem flaug til útlanda frá Keflavík. Bretar tóku fyrsta sætið og munar þar um að flug til Bretlands hefur meira en tvöfaldast síðustu tvö ár samkvæmt athugun Túrista.

Hér fyrir neðan má sjá hvernig hlutfall Íslendinga í hópi farþega á Keflavíkurflugvelli hefur lækkað síðan árið 2003 þegar mælingar Ferðamálastofu hófust. Farþegar sem aðeins millilenda eru ekki taldir með.

TILBOÐ: 15% afsláttur í KaupmannahöfnÞRIÐJA NÓTTIN FRÍ Í EDINBORG
VINSÆLT: ER ÓDÝRARA AÐ LEIGJA BÍL MEÐ 3JA MÁNAÐA EÐA 3JA VIKNA FYRIRVARA?

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …