Samfélagsmiðlar

Íslendingar stoppa lengst allra í Berlín

Í fyrra fjölgaði ferðum íslenskra túrista til höfuðborgar Þýskalands um 13,3 prósent. Engin Evrópuþjóð gefur sér eins langan tíma í ferðalag um borgina og við gerum, samkvæmt tölum þýskra ferðamálayfirvalda.

Íslenskir ferðamenn í Berlín voru um þúsund fleiri í fyrra en árið á undan. Í heildina komu 8.691 Íslendingur þar við á síðasta ári samkvæmt talningu ferðamálaráðs borgarinnar. Aukningin nemur um þrettán prósentum frá árinu 2012. Það ár dvaldi hinn íslenski túristi að jafnaði 2,9 nætur á gististöðum borgarinnar en í fyrra lengdist meðaldvölin upp í 3,6 nætur. Það er um einni nótt lengur en aðrar Evrópuþjóðir gefa sér í ferðalag um Berlín. Ástæðan gæti verið sú að á veturna er Wow Air eins félagið sem flýgur héðan til höfuðborgar Þýskalands og eru ferðirnar tvær til þrjár í viku.

Nokkuð frá metinu

Vinsældir Berlínar sem áfangastaðar jukust töluvert hér á landi árið 2011 og heimsóttu þá um 9.400 Íslendingar borgina. Aukningin það ár nam 64 prósentum. Árið eftir fækkaði komum íslenskra ferðamanna til höfuðborgar Þýskalands en í fyrra bættist við fjöldann á ný.

Í sumar verður framboð á beinu flugi til Berlínar meira en áður og verður flogið allt að tólf sinnum í viku. Þrjú flugfélög munu halda uppi áætlunarflugi þangað frá Keflavík yfir aðalferðamannatímabilið (sjá hér hvaða félög fljúga hvert í sumar).

TILBOÐ Á GISTINGU Í BERLÍN

HÓTEL: GERÐU VERÐSAMANBURÐ OG BÓKAÐU HAGSTÆÐASTA KOSTINN

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …