Að jafnaði hófu farþegaþotur sig til flugs frá Keflavík 22 sinnum á dag í síðasta mánuði. Hér þær tíu borgir sem oftast var flogið til.
Í febrúar var boðið upp á áætlunarflug til tuttugu og þriggja borga frá Keflavíkurflugvelli og voru ferðirnar 618 talsins samkvæmt talningu Túrista. Þar af var um fjórðungur þeirra til flugvallanna í nágrenni við höfuðborg Bretlands. En eins og fjallað var um hér á síðunni nýverið þá hefur framboð á flugi til London meira en tvöfaldast frá því fyrir tveimur árum síðan.
Kaupmannahöfn er í öðru sæti yfir þá áfangastaði sem oftast er flogið til og Osló í því þriðja eins og sjá má á töflunni hér fyrir neðan.
Til Lundúna fljúga þrjú flugfélög og það sama gildir um Osló. Það stefndi í álíka samkeppni um farþega á leið til Kaupmannahafnar en í síðustu viku ákváðu forsvarsmenn Norwegian að nýta sér ekki afgreiðslutíma sem þeir höfðu fengið í Keflavík fyrir flug til Kastrup. Icelandair og Wow Air verða því áfram ein á þeirri flugleið .
Vægi áfangastaðanna í brottförum talið í febrúar:
- London: 25,6%
- Kaupmannahöfn: 12,9%
- Osló 9,2%
- París: 5,8%
- Stokkhólmur: 5,2%
- New York: 5%
- Boston: 4,5%
- Amsterdam: 4,2%
- Manchester: 4%
- Seattle: 3,2%
VINSÆLT: Svona borgar þú miklu minna fyrir bílaleigubíl
HÓTEL: Gerðu verðsamanburð á gistingu út um allan heim