Samfélagsmiðlar

Vara við Expedia og billegum Tyrklandsreisum

Endurgreiðslur berast seint eða alls ekki frá stærstu netferðaskrifstofu heims og ef verðið á utanlandsferðinni er of gott til að vera satt, þá er það sennilega raunin.

Neytendaþátturinn Kontant er sýndur vikulega í danska ríkissjónvarpinu við miklar vinsældir. Umsjónarmenn hans hafa undanfarið tekið ferðaþjónustuna fyrir. Í þætti vikunnar kom meðal annars fram að Félag danskra ferðaskrifstofa varar fólk við því að eiga viðskipta við netbókunarfyrirtækið Expedia sem er líklega eitt það stærsta sinnar tegundar í heiminum. Ástæðan er sú að fyrirtækið gerir ekki upp við óánægða viðskiptavini líkt og reglur Evrópusambandsins gera ráð fyrir. Fólk þarf að ganga ítrekað eftir endurgreiðslum og jafnvel hóta lögsókn áður en peningurinn ratar til baka á bankareikning viðkomandi.

Expedia rekur söluskrifstofu í Danmörku en forsvarsmenn hennar vildu þó ekki mæta í þáttinn til að svara fyrir þessar ásakanir að sögn vefmiðilsins Standby.dk.

Of ódýrar ferðir?

Fyrr í mánuðinum fékk svo ferðaskrifstofan TSS það óþvegið danska ríkissjónvarpinu. TSS býður upp átta daga hringferðir um Tyrkland sem eru miklu ódýrari en þekkist á danska markaðnum. Að auki er aðeins gist á fjögurra og fimm stjörnu hótelum. En ástæðan fyrir þessu lága verði er sögð vera sú að ferðalangarnir eru lokkaðir á markaði þar sem þeim eru seld teppi, leðurvörur og skartgripir á uppsprengdu verði. Ferðaskrifstofan fær svo greitt frá verslunarfólkinu og þannig er hægt að halda fargjaldinu svona lágu.

TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍSÍ BARCELONA
GISTING: GERÐU VERÐSAMANBURÐ Á HÓTELUM

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …