Samfélagsmiðlar

Wow Air kærir niðurstöðu áfrýjunarnefndar

Áfram verður deilt um hvernig staðið er að úthlutun afgreiðslutíma á Keflavíkurflugvelli og nú fyrir dómstólum.

Í lok febrúar felldi áfrýjunarnefnd samkeppnismála úr gildi ákvörðun Samkeppniseftirlitsins um að Wow Air skyldi fá tvo afgreiðslutíma á Keflavíkurflugvelli til að sinna flugi til N-Ameríku. Forsvarsmenn flugfélagsins hafa sagt þessa ákveðnu tíma vera forsendu fyrir því að félagið geti hafið flug til Bandaríkjanna. ttu þeir tímabundið við flug vestur um haf vegna þeirrar óvissu sem var um málið nú í upphafi árs.

 

Allir dómarar vanhæfir

Wow Air hefur nú kært ákvörðun áfrýjunarnefndarinnar og krefst ógildingar á úrskurði hennar. Friðþór Eydal, talsmaður Isavia, segir í svari til Túrista að krafist verði frávísunar á málinu á grundvelli aðildarskorts. Hann segir að áfrýjunarnefndin hafi verið búin að taka afstöðu til þess að Wow Air ætti ekki aðild að málinu. Meðal annars vegna þess að ákvörðun Samkeppniseftirlitsins í vetur hefði verið beint að Isavia en ekki öðrum. Friðþór bendir einnig á að flugfélagið hafi ekki sótt um úthlutun afgreiðslutíma hjá samræmingarstjóra vegna tímabilsins sem ákvörðunin tók til. Svanhvít Friðriksdóttir, talsmaður Wow Air, segist ekki geta tjáð sig um þessi mál að svo stöddu.

Málið var tekið fyrir í Héraðsdómi Reykjavíkur í morgun en þar sem dómsstjóri hans var skipaður til formennsku í áfrýjunarnefnd Samkeppnismála þá eru allir dómarar við réttinn vanhæfir. Dómstjóri Héraðsdóms Vestfjarða er nú með málið á sinni könnu.

Skýrar reglur

Skortur á flugvélastæðum við Flugstöð Leifs Eiríkssonar er grunnurinn að þessari deilu. Í dag nýtir Icelandair nefnilega öll þau pláss eru til reiðu fyrir flug til og frá löndum utan Schengen svæðisins í morgunsárið og seinni part dags. Er stæðunum úthlutað samkvæmt reglum Evrópusambandsins og IATA, alþjóðlegra samtaka flugfélaga. Í svari IATA til Túrista vegna málsins segir að forsvarsmenn samtakanna vilji ekki tjá sig um deiluna á Íslandi en segja að reglurnar sem gilda um úthlutun afgreiðslutíma vera skýrar og sanngjarnar. Benda þeir á að flugfélög eigi hefðarrétt á afgreiðslutímum en ef nýtingin fari undir 80 prósent þá missi flugfélög viðkomandi tíma og þeim sé úthlutað á ný. Alla vega helmingi þeirra afgreiðslutíma sem er endurhlutað eiga að fara til nýrra flugfélaga. Í svari IATA segir jafnframt að hefðarrétturinn sé undirstaðan í því úthlutunarkerfi sem notað er víða um heim og þar sé einnig tekið fram að ekki megi svipta flugfélag afgreiðslutíma til að hleypa nýjum aðila að.

Samkvæmt því sem Túristi kemst næst er einnig hægt að neyða flugfélög til að gefa eftir afgreiðslutíma í kjölfar samruna. Nýlegt dæmi um það er þegar British Airways keypti BMI og varð í kjölfarið að losa sig við fjórtán af 56 leyfum síðarnefnda félagsins á Heathrow. Samskonar staða kom upp á Ronald Reagan flugvelli í Washington þegar American Airlines og United sameinuðust.

TILBOÐ: 15% AFSLÁTTUR Í KAUPMANNAHÖFN
ORLOFSÍBÚÐIR: Í PARÍSÍ BARCELONA
GISTING: GERÐU VERÐSAMANBURÐ Á HÓTELUM

Nýtt efni

Mitt inn í dimmum Grünheideskógi skammt frá Berlín hafa 80 manneskjur komið sér fyrir í kofum sem þau hafa byggt hátt uppi trjánum. Kofaþorpið eru bækistöðvar mótmælenda eða aðgerðarsinna eins og þau kalla sig. Einmitt inni í þessum sama skógi hyggst bandaríski rafmagnsbílaframleiðandinn Tesla stækka svokallaða gígaverksmiðju sem var tekin var í notkun í mars …

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …