Gefa fólki að drekka við innritun

Millilandaflugi seinkar um nokkra klukkutíma í dag vegna vinnustöðvunnar. Farþegar fá hressingu frá starfsmönnum Flugstöðvar Leifs Eiríkssonar.

Innan skamms opnar innritun og vopnaleit á Keflavíkurflugvelli og geta farþegar þá komist inn í brottfararsal flugstöðvarinnar. Fyrstu vélarnar fara svo í loftið klukkan korter yfir tíu og seinkar flugi til og frá landinu um allt að fjóra tíma í dag. Svo löng töf gefur farþegum rétt á máltíð eða hressingu samkvæmt þeim reglum sem gilda hér á landi og í tilkynningu Samgöngustofu segir að þessar skyldur falli ekki niður þó flugi sé seinkað vegna verkfalls.

Friðþór Eydal, talsmaður Isavia, segir að vatni verði dreift í innritunarsal Flugstöðvar Leifs Eiríkssonar í dag en að öðru leyti séu farþegar á ábyrgð flugfélaganna. Þar sem fyrstu brottfarir eru stuttu eftir að innritun hefst er gefst farþegum þó sennilega ekki tími til annars en að ganga beint um borð. Farþegar sem þurftu að bíða eftir flugi til landsins á erlendum flugstöðvum hafa þó átt rétt á hressingu samkvæmt reglum um réttindi flugfarþega.

Eins og Túristi greindi frá um daginn þá er staða farþega, sem missa af framhaldsflugi vegna verkfallsins, mismunandi eftir því hvernig flugið var bókað. Ef bæði flugin eru á einum miða þá eiga farþegar rétt á nýjum miða en annars ekki.

BÍLALEIGUBÍLAR: BÓKAÐU Í DAG EN BORGAÐU SÍÐAR
TILBOÐ: 15% AFSLÁTTUR Á HÓTELI VIÐ RÁÐHÚSTORGIÐ Í KÖBEN

Mótmælin draga úr bókunum en þó ekki hjá Icelandair

Tugþúsundir Ísraela hafa mótmælt á götum úti síðustu vikur vegna áforma ríkisstjórnar Benjamíns Netanjahús um breytingar á dómskerfi landsins. Þar er meðal annars lagt til að ísraelska þingið fái heimild til að snúa dómum hæstaréttar með einföldum þingmeirihluta. Forseti hæstaréttar Ísrael segir áformin árás á lýðræði í landinu. Skráðu þig inn til að lesa Þessi … Lesa meira

„Þurfum að meta upp á nýtt hvað sé vel heppnuð ferðaþjónusta“

Efnahags- og framfarastofnunin, OECD, hvetur til betri stýringar í ferðaþjónustu á komandi árum - á sama tíma og greinin þarf að leita nýrra leiða til að halda fyrri styrk og efnahagslegu mikilvægi. „Það verður að finna út úr því hvers konar ferðaþjónustu við viljum í löndum okkar," segir yfirmaður ferðamála hjá OECD.

Enn lokast þýskir flugvellir vegna verkfalla

Flugsamgöngur á meginlandinu raskast áfram vegna verkfallsaðgerða. Bæði í Frakklandi og Þýskalandi hefur ítrekað stöðvast flug eða tafist vegna verkfallsaðgerða á síðustu vikum og mánuðum. Nú beinast aðgerðir að flugvöllunum í München og í Frankfurt, þeim fjölfarnasta í Þýskalandi.

Áfram gríðarlegt tap hjá SAS

Stjórnendur skandinavíska flugfélagsins SAS hafa síðustu mánuði nýtt gjaldþrotavernd bandaríska dómstóla til að endurskipuleggja félagið. Þetta svokallaða Chapter-11 ferli krefst þess að SAS geri upp hvern einasta mánuð og niðurstaðan fyrir febrúar liggur nú fyrir. Og tapið nam 900 milljónum sænskra króna eða um 12 milljörðum íslenskra króna. Þetta er fjórðungi minna tap en í … Lesa meira

Fjórir frambjóðendur um þrjú sæti

Aðalfundur Samtaka ferðaþjónustunnar fer fram í Stykkishólmi á fimmtudaginn í næstu viku og þar verður kosið um þrjú sæti í aðalstjórn samtakanna. Fjögur framboð bárust og þar á meðal er frá Skarphéðni Berg Steinarssyni sem lét af embætti ferðamálastjóra um síðustu áramót. Skarphéðinn rekur ásamt konu sinni Sjávarborg, gistihús og kaffihús í Stykkishólmi. Rannveig Grétarsdóttir, … Lesa meira

„Slípum demantinn“

„Við verðum að taka umræðuna um aðgangsstýringu að vinsælustu ferðamannastöðum okkar - og ganga svo til verka," sagði Grímur Sæmundsen, forstjóri Bláa lónsins, á ráðstefnu í Hörpu um þjóðhagslegt mikilvægi ferðaþjónustunnar. Áhrifafólk í ferðaþjónustunni virðist almennt vilja forðast ástandið sem skapaðist fyrir heimsfaraldur.