Samfélagsmiðlar

Hóta að fella niður frímiða fyrir flugáhafnir

Það eru ekki aðeins starfsmenn Icelandair sem standa í vinnudeilu þessa dagana því kollegar þeirra hjá Norwegian og Finnair eru einnig ósáttir við sín kjör. Forsvarsmenn norrænu flugfélaganna eru sagðir íhuga breytta starfsmannastefnu.

Í desember árið 2011 bauð Iceland Express flugmiða á starfsmannakjörum, eins og það var orðað í tilkynningu. Aðeins þurfti að greiða 2.475 krónur fyrir farið auk skatta en það er að minnsta kosti þrefalt ódýrara en lægstu fargjöldin eru í dag. Starfsmenn flugfélaga geta í einhverjum tilfellum aðeins greitt skattinn og því ferðast mjög ódýrt milli landa. Sambærilegar reglur gilda víða og samkvæmt frétt danska vefmiðilsins Checkin.dk íhuga stjórnendur Norwegian að fella niður þessi réttindi ef starfsmenn félagsins í Noregi og Danmörku vilja ekki ganga að kröfum þeirra um að gera aðskilda kjarasamninga eftir löndum.

Þetta yrði ekki í fyrsta skipti sem flugfélag grípur til þess konar aðgerða því samkvæmt frétt Checkin.dk voru allir þeir starfsmenn British Airways, sem lögðu niður störf í vinnudeilu árið 2010, sviptir réttinum á frímiðum.

Verktakar í stað fastra starfsmanna

Stjórnendur stærstu lággjaldaflugfélaga Evrópu hafa verið gagnrýndir fyrir að halda niðri kostnaði með því að ráða fólk á verktakasamningum og komast þannig hjá orlofs- og veikindagreiðslum líkt og Túristi greindi frá. Forsvarsmenn finnska flugfélagsins Finnair ætla hins vegar að taka upp álíka fyrirkomulag á nokkrum flugleiðum og ráða starfsmenn í gegnum dótturfélög í von um að snúa við rekstri félagsins. Á mánudag slitnaði hins vegar upp úr viðræðum forsvarsmanna Finnair og fulltrúa starfsmanna um þessar sparnaðaraðgerðir samkvæmt tilkynningu frá Finnair.

Í frétt Rúv um helgina kom fram að um þessar mundir eru kjaradeilur sjö hópa í flugþjónustunni hjá ríkissáttasemjara en gærkvöld af verkfalli starfsmanna Isavia frestað til 22. maí.

BÍLALEIGUBÍLAR: Gerðu verðsamanburð á bílaleigubílum
TILBOÐ: 15% AFSLÁTTUR Á HÓTELI VIÐ RÁÐHÚSTORGIÐ Í KÖBEN

Nýtt efni

Lufthansa hefur náð samkomulagi við verkalýðsfélagið Verdi og þar með er endi bundinn á langa vinnudeilu við flugvallarstarfsfólk þýska flugfélagsins. Flugáætlun Lufthansa fer því ekki úr skorðum yfir páskana líkt og útlit var fyrir en félagið er með þrjár flugferðir til Íslands á áætlun sinni yfir hátíðarnar. Hinn nýi samningur Verdi og Lufthansa kemur í …

Það voru 561 þúsund skráðar gistinætur hér á landi í febrúar sem er um 2,5 prósent samdráttur í samanburði sama tímabil í fyrra. Ef tekið er tillit til hlaupársdagsins þá var fækkunin ennþá meiri eða nærri 6 af hundraði. Á hótelum landsins voru gistinæturnar 373 þúsund sem er ögn meira en í febrúar í fyrra …

Þegar Hagstofan leggur mat á breytingar á verðlagi þá er meðal annars horft til fargjalda, bæði í flug innanlands og til útlanda. Samkvæmt nýjum verðmælingum Hagstofunnar þá lækkaði farið frá Keflavíkurflugvelli um 5 prósent í mars en farþegar í innanlandsflugi þurftu að borga 16 prósent meira en í fyrra. Á sama tíma hækkaði verðlag í …

„Undanfarna mánuði hafa stjórnmálamenn og verkalýðsforingjar viðrað hugmyndir um að hækka virðisaukaskattshlutfall ferðaþjónustu í 24%. Almenn greining á grundvelli viðtekinnar þjóðhagfræði, sem SAF hefur látið vinna, bendir til þess að slík hækkun myndi almennt hækka verðlag og þar með verðbólgu á viðkomandi ári, lækka veltu í ferðaþjónustu, veikja samkeppnishæfni hennar, lækka verga landsframleiðslu og auka …

Xiaomi er hraðvaxta hátæknifyrirtæki í Beijing í Kína, stofnað fyrir 14 árum af frumkvöðlinum og milljarðamæringnum Lei Jun og félögum hans. Á síðasta ári var fyrirtækið í þriðja sæti á lista þeirra sem seldu flesta farsímana - næst á eftir Samsung og Apple. Xiaomi framleiðir og selur margskonar annan háþróaðan tæknibúnað og neytendavörur en samdráttur …

Fyrir rúmu ári var greint frá því að þýska Lufthansa-samsteypan hefði áhuga á að kaupa 40 prósenta hlut í ítalska þjóðarflugfélaginu ITA en niðurstaða hefur ekki enn fengist. Í janúar hóf Framkvæmdastjórn Evrópusambandsins rannsókn á samkeppnisáhrifum þess að Þjóðverjarnir eignuðust stóran hlut í ítalska flugfélaginu sem lengi hefur verið stjórnvöldum á Ítalíu höfuðverkur.  Nú í …

Fyrir mánuði sendi Storytel frá sér fréttatilkynningu þar sem kynnt var ný þjónusta fyrir notendur. Brátt eiga hlustendur hljóðbóka möguleika á að velja nýjan lesara ef þeim líkar ekki innlesturinn. Valraddirnar eru allar skapaðar af vélmennum eða svokölluðum gervigreindarupplesurum.  Þetta nýja verkfæri Stoyrtel er tekið í gagnið vegna þess að 89 prósent af þeim sem …

Útlit er fyrir að það hægist aðeins um í ferðaþjónustunni á þessu ári miðað við hraðan vöxtinn á síðasta ári. Ísland endurheimti ferðafólkið hraðar eftir heimsfaraldurinn en flest önnur lönd en nú er hægari gangur í bókunum. Þar hafa eldsumbrotin á Reykjanesskaga sín áhrif en hátt verðlag hér á landi fælir líka einhverja frá. Á …