Stundvísitölur: Meiri tafir en oft áður

Farþegaþoturnar á Keflavíkurflugvelli komu og fóru á réttum tíma í um átta tilfellum af tíu í mars. Easy Jet var óstundvísara en íslensku félögin.

Umsvif Easy Jet hafa aukist hratt hér á landi og félagið býður nú upp á jafn margar ferðir og Wow Air gerði í mars í fyrra. Félagið er því tekið með í stundvísiútreikninga Túrista ásamt Icelandair og Wow Air. Ferðir annarra félaga eru það fáar að samanburður við þessi þrjú gefur ekki rétta mynd.

Í janúar og febrúar voru tafir í Íslandsflugi Easy Jet um ein mínúta að jafnaði en í síðasta mánuði var meðalseinkunin sautján og hálf mínúta. Munar þar miklu um nokkrar tafir upp á rúmlega fimm til sjö klukkutíma. Lengstu tafir íslensku félaganna voru innan við tveir tímar. Hins vegar voru margar ferðir félaganna of seinar og aðeins um átta af tíu ferðum á tíma. Wow Air hélt oftar áætlun en Easy Jet og Icelandair eins og sjá má á töflunni hér fyrir neðan.

Boðuð verkföll hjá starfsmönnum Keflavíkurflugvallar gætu sett strik í reikninginn hjá flugfarþegum hér á landi næstu daga og vikur.

Í mars fór meira en helmingur alla ferða frá Keflavík til Bandaríkjanna eða Bretlands.

Stundvísitölur Túrista – mars 2014

1.-31.mars	Hlutfall brottfara á tíma	Meðalseinkun brottfara	Hlutfall koma á tíma	Meðalseinkun koma	Hlutfall ferða á tíma	Meðalseinkun alls	Fjöldi ferða
Icelandair	80,5%	3 mín	73%	5 mín	77%	4 mín	1105
Wow Air	87%	1,5 mín	76%	3 mín	81,5%	2,5 mín	216
Easy Jet	73,5%	21 mín	83%	14 mín	78,5%	17,5 mín	128

Um útreikningana: Daglega reiknar Túristi út hversu mikill munur er á áætluðum komu- og brottfarartímum og þeim tímasetningum sem gefnar eru upp fyrir lendingar og flugtak á heimasíðu Keflavíkurflugvallar. Þar sem seinkun um minna en korter telst vera innan skekkjumarka í fluggeiranum þá eru 14 mínútur dregnar frá öllum seinkunum sem eru 15 mínútur eða lengri. Flug sem tefjast um minna en stundarfjórðung teljast vera á áætlun.

VINSÆLT: Svona borgar þú minna fyrir bílaleigubíl
HÓTEL: Gerðu verðsamanburð á gistingu og bókaðu besta kostinn
TILBOÐ: 3ja nóttin frí í Edinborg

Mynd: Gilderic/Creative Commons

Leigusali Niceair reddar SAS

Stór hluti af þotunum í flota SAS eru teknar á leigu og síðustu misseri hafa stjórnendur flugfélagsins stillt þessum leigusölum upp við vegg og beðið um betri kjör. Segja má að það halli á viðsemjendur flugfélagsins því SAS nýtur stuðnings bandarískra dómstóla í þessum aðgerðum sínum því félagið nú í svokölluðu Chapter-11 ferli. Skráðu þig … Lesa meira

Fyrsta ferð Play til Stokkhólms

Þrjú flugfélög halda úti daglegum ferðum til Kaupmannahafnar og Óslóar frá Keflavíkurflugvelli en Icelandair hefur hins vegar setið eitt að Stokkhólmi í langan tíma. Á því verður nú breyting því frá og með deginum í dag munu þotur Play taka stefnuna á Arlanda flugvöll, við höfuðborg Svíþjóðar, fjórum sinnum í viku. Icelandair flýgur alla daga … Lesa meira

Hvetja íslensk stjórnvöld áfram í viðræðum við ESB

„Flugsamgöngur eru ein mikilvægasta grunnstoð byggðar á Íslandi auk þess sem efnahagslegur og samfélagslegur ávinningur af flugstarfsemi fyrir Ísland er ótvíræður. Mikið er í húfi við að vinna að sjálfbærri framtíð flugs um og á Íslandi og hafa flugfélög sett sér metnaðarfull markmið á sviði umhverfismála m.a. með því að taka þátt í verkefnum sem … Lesa meira

Fyrsti forstjórinn snýr aftur

Guðni Ingólfsson var ráðinn framkvæmdastjóri flugrekstrarsviðs Play í mars í fyrra og tók hann við stöðunni af Arnari Má Magnússyni, einum af stofnendum flugfélagsins og fyrrum forstjóra. Arnar Már hóf þá að vinna sem flugstjóri hjá Play en lét svo af störfum hjá flugfélaginu um síðustu áramót. Arnar Már var þó ekki lengi í burtu því … Lesa meira

Breytt viðhorf kínverskra ferðamanna

Spáð er hægum efnahagsbata í Kína á árinu. Líklegt er að fleiri en fyrir heimsfaraldur ferðist innanlands. Tæland var vinsælasti áfangastaður Kínverja á fyrstu mánuðunum. Líklegt er að færri Kínverjar en áður heimsæki París, Madríd og Feneyjar - en fleiri kjósi náttúruskoðunarferðir.

Ekki kominn tími til að halla sér aftur

Endurreisn ferðaþjónustunnar eftir heimsfaraldur varð hröð af því að fyrirtækin voru fyrir hendi. Miklir fjármunir töpuðust þrátt fyrir mótvægisaðgerðir en vegna góðrar afkomu á síðasta ári eru horfur betri en ella. Þetta eru meðal niðurstaðna í greiningu KPMG á fjárhagsstöðu ferðaþjónustunnar, sem kynnt var í dag.

„Maður sýnir ekki plan B“

„Þetta er eitt mikilvægasta mál sem Ísland stendur frammi fyrir," sagði Lilja Dögg Alfreðsdóttir, ferðamálaráðherra, í Brussel í morgun um boðaðar breytingar á viðskiptakerfi með losunarheimildir frá flugi. Hún er vongóð um að tekið verði tillit til hagsmuna Íslands en vill ekkert segja hvaða afleiðingar það hefði á stöðu Íslands innan EES ef breytingar nást ekki fram.